ن. نازاربايەۆ: ۇندىستانمەن ستراتەگيالىق سەرىكتەستىكتى دامىتۋ - سىرتقى ساياساتىمىزدىڭ ازيا ۆەكتورىنداعى باسىم باعىتتىڭ ءبىرى
بۇل تۋرالى بۇگىن اقوردادا ەلىمىزگە رەسمي ساپارمەن كەلگەن ءۇندىستان پرەمەر-ءمينيسترى نارەندرا موديمەن كەڭەيتىلگەن قۇرامداعى كەلىسسوزدەردەن كەيىنگى بىرلەسكەن مالىمدەمە بارىسىندا ەلباسى نۇرسۇلتان نازاربايەۆ ايتتى.
«ءۇندىستاننىڭ پرەمەر-ءمينيسترى نارەندرا مودي مىرزانىڭ قازاقستانعا العاشقى رەسمي ساپارى ءوزارا تۇسىنىستىك پەن دوستىق رۋحىندا وتۋدە. ءۇندىستان مەملەكەتى قازاقستان ءۇشىن ازياداعى وتە ۇلكەن ارىپتەس بولىپ سانالادى. ورتالىق ازيا وڭىرىندەگى قازاقستان - ءۇندىستاننىڭ ەڭ ۇلكەن ەكونوميكالىق ارىپتەسى»، - دەدى ەلباسى.
مەملەكەت باسشىسى ءوز سوزىندە كەلىسسوز بارىسىندا كەڭ اۋقىمدى ماسەلەلەرگە كوڭىل اۋدارىلعاندىعىن، بەلسەندى ساياسي سۇحباتتاستىقتى جالعاستىرۋعا، بارلىق دەڭگەيدەگى بايلانىستاردى دامىتۋعا ۋاعدالاستىققا قول جەتكىزىلگەنىن باسا ايتتى.
«ساۋدا-ەكونوميكالىق جانە مادەني- گۋمانيتارلىق قارىم-قاتىناستاردى جان-جاقتى جانداندىرا تۇسۋگە كەلىستىك. ۇندىستانمەن ستراتەگيالىق سەرىكتەستىكتى دامىتۋ سىرتقى ساياساتىمىزدىڭ ازيا ۆەكتورىنداعى باسىم باعىتىنىڭ ءبىرى بولىپ سانالادى»، - دەدى ق ر پرەزيدەنتى.
اۆتور: مارلان جيەمباي