ون كۇن بۇرىن وسكەمەننىڭ كوشەسىنەن تابىلعان بالانىڭ اناسى سەمەي تۇرعىنى بولىپ شىقتى

استانا. قازاقپارات - پوليتسەيلەر تۇندە وبلىس ورتالىعى كوشەلەرىنىڭ بىرىنەن تابىلعان ءۇش جاسار ميراستىڭ اناسىنىڭ كىم ەكەنىن انىقتادى.

الايدا ايەل بالاسىن الىپ كەتۋدەن باس تارتتى.

بۇل تۋرالى YK-news.kz جازادى.

ەسكە سالساق، 27 -ماۋسىمدا پوليتسياعا بۋروۆ كوشەسىنىڭ بويىنداعى كوپ قاباتتى ءۇيدىڭ تۇرعىندارى اۋلادا قاراۋسىز بالا جۇرگەنىن حابارلاعان. ءتارتىپ ساقشىلارى ءۇش جاسار بالانى الىپ كەتىپ، بالانى كامەلەتتىك جاسقا تولماعانداردى بەيىمدەۋ ورتالىعىنا اپارعان، ولار بالانىڭ اناسىنىڭ كىم ەكەنىن انىقتاي الدى.

«ول سەمەي تۇرعىنى بولىپ شىقتى، - دەپ حابارلادى وسكەمەن ءى ءى ب باسپا ءسوز قىزمەتىنەن. - ايەل بالانى ازىرگە الىپ كەتە المايتىنىن ايتتى. سەبەبىن ايتۋدان باس تارتتى. ونى كوشەگە نەلىكتەن جالعىز تاستاپ كەتكەنى دە جۇمباق كۇيىندە قالدى».

سوندىقتان جەرگىلىكتى ورگان ميراستى بەيىمدەۋ ورتالىعىنا وتكىزۋىنە تۋرا كەلدى.

وتكەن اپتادا بالالار ۇيىنە ميراستىڭ اناسىن تانيتىن بىرنەشە ادام حابارلاستى. ولار بالانى الىپ كەتكىسى كەلدى. الايدا قامقورلىققا الۋ ورگانى بەرۋدەن باس تارتتى. سەبەبى جۇگىنگەندەر بالانىڭ زاڭدى وكىلى ەمەس.

«جاعداي ءار ءتۇرلى بولۋى مۇمكىن، ءتىپتى بولماعاندا، اناسىن اتا- انا قۇقىعىنان ايىرۋ ماسەلەسى قارالادى، - دەدى ش ق و ءبىلىم بەرۋ باسقارماسىنىڭ قامقورلىققا الۋ ءبولىمىنىڭ باس مامانى دميتريي وشيتوك. - ارينە، ءبىرىنشى كەزەكتە، بالانى وتباسىنا قالدىرۋعا، جاقىن تۋىستارىنا بەرۋ جاقتارى قاراستىرىلادى. ولار وسى وتىنىشپەن قالالىق ءبىلىم بەرۋ باسقارماسىنا جۇگىنە الادى».