تۇركى الەمىنىڭ بەدەلدى تۇلعاسى «ازىرەت سۇلتان» مەشىتىنىڭ ساۋلەتىنە جوعارى باعا بەرىپ، اسىل ءدىنىمىزدىڭ وركەندەۋى جولىندا جەمىستى ەڭبەك ەتۋىنە تىلەكتەستىگىن ءبىلدىردى.
بەسىن نامازىنا قاتىسقان تۇرىك باسشىسى جاماعاتپەن بىرگە قول جايىپ، قازاق ەلى ءۇشىن دۇعا جاسادى. قاسيەتتى رامازان ايىندا قازاق ەلىنە ات باسىن تىرەگەن ايتۋلى تۇلعا «ازىرەت سۇلتان» مەشىتىڭ جاماعاتى جايىندا دا جاعىمدى پىكىر ءبىلدىرىپ، ءوز ريزاشىلىعىن جەتكىزدى.
مەشىت جاماعاتى ەستەلىك رەتىندە ايتۋلى تۇلعامەن سۋرەتكە ءتۇسىپ، سۇحباتتاسىپ قالۋعا دا ۇلگەردى.
الىستان كەلگەن ارنايى قوناققا «ازىرەت سۇلتان» مەشىتىنىڭ قۇندى جادىگەرلەرى تانىستىرىلىپ، جالپى مالىمەت بەرىلدى. ەلباسىمىزدىڭ «ازىرەت سۇلتان» مەشىتىنە ارنايى تارتۋ ەتكەن كونە قۇران نۇسقاسى (ХІІ عاسىرعا تيەسىلى) مەن كۇمىستەن قۇيىلعان قۇران پاراقشالارى ابدۋللا گۇل مىرزاعا ەرەكشە اسەر قالدىردى.
قوشتاسار ساتتە تۇرىك ەلىنىڭ بۇرىنعى باسشىسى مەشىت جۇمىسىنىڭ العا باسىپ، وركەندەي بەرۋىنە تاعى تىلەكتەستىگىن ءبىلدىردى، دەپ حابارلايدى uslim.kzm.