كوتتو- الۆارەس جەكپە- جەگىنىڭ جەڭىمپازى گولوۆكينمەن ايقاسقا شىعۋى ءتيىس

استانا. قازاقپارات - WBC پرەزيدەنتى ماۋريسيو سۋلەيمان دۇنيەجۇزىلىك بوكسشىلار كەڭەسىنىڭ چەمپيونى پۋەرتوريكالىق ميگەل كوتتو مەن مەكسيكالىق ساۋل الۆارەس اراسىنداعى ايقاستىڭ جەڭىمپازى بىردەن وسى فەدەراتسيانىڭ ۋاقىتشا چەمپيونى قازاقستاندىق گەننادي گولوۆكينمەن جەكپە- جەككە شىعۋى ءتيىس.

 بۇل تۋرالى sports.kz جازدى.

«كوتتو- الۆارەس جەكپە- جەگىنىڭ جەڭىمپازى گولوۆكينمەن جۇدىرىقتاسۋى ءتيىس، - دەپ اتاپ ءوتتى سۋلەيمان. - بۇل WBC ۇيعارىمى. ەگەر بۇلاي بولماسا، گولوۆكين بىرەگەي، جالعىز چەمپيون اتانادى».

سۋلەيمان سونداي- اق، كوتتو كومانداسى الۆارەسپەن ايقاسقا گولوۆكيننىڭ كەلىسىمىن الۋى قاجەتتىگىن ايتتى، الايدا بۇعان ەش كەدەرگى جوق ەكەندىگىن مالىمدەدى.