اتىراۋ وبلىسىندا اپتاپ ىستىقتان بالىقتار قىرىلىپ جاتىر
11:20, 04 - شىلدە 2015
اتىراۋ. قازاقپارات - اتىراۋ وبلىسىنداعى كوكتەمدە ورال وزەنىنەن قۇيىلۋىنان پايدا بولعان سۋ قويمالارىندا بالىقتار جاپپاي قىرىلىپ جاتىر.
«بالىقتاردىڭ قىرىلۋ سەبەبى - اۋا تەمپەراتۋراسىنىڭ 40 گرادۋستان كوتەرىلۋى. ورالدان ءبولىنىپ قالعان سۋ قويمالارىندا وتتەگى دەڭگەيى كۇرت ازايدى.
قازىرگى ۋاقىتتا بالىقتاردىڭ قىرىلۋىنا اسەر ەتكەن ناقتى سەبەپتەر انىقتالىپ جاتىر. سۋ سىناماعا الىندى. سۋ قويمالارى قاراۋىنا بەكىتىلگەن 25 تەن استام تابيعاتتى پايدالانۋشىعا سۋ قويمالارىن ءولى بالىقتان تازارتۋ مەن قالعاندارىن امان الىپ قالۋ ءۇشىن ءتىرى بالىقتى اۋلاۋ ۇسىنىسى جاسالدى»، - دەپ حابارلادى قازاقپارات تىلشىسىنە اتىراۋ وبلىسىنىڭ مامانداندىرىلعان تابيعاتتى قورعاۋ پروكۋرورىنىڭ اعا كومەكشىسى ساپار تۇرسىنبايەۆ.