قازاقستاندا جاسالعان : ويىنشىقتان تۇرمىستىق حيميا تاۋارلارىنا دەيىن - فوتو

 استانا. قازاقپارات - ەلباسى نۇرسۇلتان نازاربايەۆ 2 - شىلدە كۇنى استانادا «قازاقستاندا جاسالعان» وتاندىق تاۋار وندىرۋشىلەردىڭ كورمەسىنە قاتىستى.

 كورمەدە ەلىمىزدىڭ بارلىق وڭىرلەرىنەن 80 نەن استام كومپانيالار ءوز ونىمدەرىن ۇسىندى.

 كورمەنىڭ نەگىزگى باعىتى: جاڭا كاسىپورىندار، جاڭا وندىرىستىك تىزبەكتەر، شىعارىلاتىن ءونىمدى جانداندىرۋ جانە كەڭەيتۋدەگى جاڭا باستامالار.

 وندا ازىق- تۇلىك ونىمدەرىنىڭ ەرەكشە تۇرلەرىنەن باستاپ تۇيمەگە، اياق- كيىم، تۇرمىستىق جۋۋ قۇرالدارى، انتيفريز، دوڭعالاق جۇپتارى جانە تەمىر جولعا ارنالعان بۇرۋ قۇرالدارىنا دەيىن ونىمدەردىڭ بۇكىل ءتىزىمى ۇسىنىلدى.

بۇدان باسقا، ءىس- شارا اياسىندا «جەرگىلىكتى قامتۋدى دامىتۋدىڭ ۇلتتىق اگەنتتىگى «NADLoC»  ا ق جانە وتاندىق تاۋار وندىرۋشىلەرى اراسىندا ونىمگە ءبىرىڭعاي لوگوتيپتى ءتۇسىرۋ تۋرالى 20 مەموراندۋمعا قول قويىلدى.