بۇدان كەيىن ۇلتتىق قوردان ەكونوميكانى قولداۋعا اقشا بەرىلمەيتىن بولادى - ەلباسى
«سالىنىپ جاتقان جولدار مەن قۇرىلعان وندىرىستەر - قازاقستاننىڭ، حالقىمىزدىڭ قۋانىشى. بۇنداي وندىرىستەردى سالۋ ءۇشىن مەملەكەتتىڭ قۋاتى مەن قارجىسى بولۋى كەرەك. قاراجاتى جوق مەملەكەتتەر ەشۋاقىتتا وسىندايدى جاساي المايدى. وسىعان جەتكەنىمىزگە تاۋبە دەپ ايتۋىمىز كەرەك. مۇمكىنشىلىگىمىزدىڭ بار ەكەنىنە شۇكىرشىلىك! ءبىراق، قيىن- قىستاۋ جاعدايدا جيناعان قوردى ءبىز ىسىراپتاپ، جايا بەرۋگە مۇمكىنشىلىگىمىز جوق. بۇدان ارتىق ۇلتتىق قوردان اقشانى بەرمەيتىن بولامىز. ۇكىمەت ءوزىنىڭ ىشىنەن رەزەرۆتەرىن جيناپ، قارجىسىن تابۋى كەرەك. بولىنگەن قاراجاتتى جاقسىلاپ پايدالانۋى قاجەت. ونىڭ ناتيجەسىن ەلگە كورسەتۋى ءتيىس» ، - دەپ توقتالدى ەلباسى.
«قانشا قيىنشىلىق بولسا دا، ەكونوميكانىڭ ءوسىمىن تومەندەتپەۋ كەرەك. ءار وبلىس، ءار مينيسترلىك «جاڭادان تاباتىن قانداي رەزەرۆتەر بار» ، «قاي جەردەن ءوندىرىستى كوبەيتەمىز» دەپ ويلاۋى قاجەت. قانداي قيىندىق كەزدەسسە دە قايىسپاي، بارلىق جوسپارىمىزدى ىسكە اسىرۋ - ءبىزدىڭ الدىمىزدا تۇرعان مىندەت» ، - دەپ ءتۇيدى پرەزيدەنت.
اۆتور: رۋسلان عابباسوۆ