وندىرىستەردىڭ جوسپارلانعان قۋاتىنا كوشۋى ءۇشىن وبلىس اكىمدەرى مەن ۇكىمەت بىرلەسە ءتيىستى جۇمىستاردى اتقارۋى كەرەك - ەلباسى
«ۇلكەن وندىرىستەردى سالىپ جاتىرمىز. ونىڭ بارلىعى قازاقستاننىڭ بولاشاعىنا جۇمىس ىستەيتىن بولادى. قازىرگى سالىنىپ جاتقان وندىرىستەر ەرتەڭگى كۇنى ەكونوميكامىزعا اۋقىمدى تاۋارلاردى قۇياتىن بولادى، قازاقستاننىڭ ەكسپورتىن ۇلعايتۋعا ۇلەس قوسادى. وسى ورايدا حالقىمىزعا جاڭا جۇمىس ورىندارى اشىلادى. قيىن-قىستاۋ جاعدايدا جۇزەگە اسىرىپ جاتقان ءبىزدىڭ بارلىق شارالارىمىز ەلدىڭ يگىلىگى ءۇشىن جۇمىس ىستەپ جاتىر»، - دەدى ەلباسى.
وسى ورايدا پرەزيدەنت ەلىمىزدەگى باعدارلامالار ورىندالىپ جاتقاندىعىن اتاپ ءوتتى.
«وتكەن 5 جىلدا 4,5 تريليون تەڭگەنىڭ ءونىمى ءوندىرىلدى. جاڭادان سالىنعان وندىرىستەر ەكونوميكامىزعا پايداسىن تيگىزىپ جاتىر»، - دەپ توقتالدى مەملەكەت باسشىسى.
سونىمەن قاتار ەلباسى پايدالانۋعا بەرىلگەن جانە ىسكە قوسىلاتىن وندىرىستەردىڭ بارلىعى جوسپارلانعان قۋاتىنا كوشۋى ءۇشىن بارلىق وبلىستاردىڭ اكىمدەرى مەن ۇكىمەت بىرلەسە ءتيىستى جۇمىستاردى اتقارۋى كەرەكتىگىن تاپسىردى.
بۇل تۇرعىدا ن. نازاربايەۆ بۇگىندە مۇناي مەن مەتالدار باعاسىنىڭ تومەندەۋى سالدارىنان بولىپ جاتقان كەرى اسەردى ىسكە قوسىلعان وندىرىستەردىڭ ونىمدىلىگىنىڭ ارقاسىندا ەكونوميكانى دامىتۋ ارقىلى ەڭسەرۋ كەرەكتىگىن تاپسىردى.
اۆتور: رۋسلان عابباسوۆ