مەملەكەت باسشىسى: ءبىز الەمگە جاڭا قازاقستاندى تانىتۋىمىز قاجەت

استانا. قازاقپارات - جاپونيا - كۇنشىعىس ەلى، كورەيا - تاڭعى شىق ەلى، ال قازاقستان - ۇلى دالا ەلى. بۇل تۋرالى بۇگىن ەلىمىزدىڭ «نۇرلى جول» جانە يندۋستريالدى-يننوۆاتسيالىق مەملەكەتتىك باعدارلامالارىنىڭ ىسكە اسىرىلۋ بارىسىنا ارنالعان جالپى ۇلتتىق تەلەكوپىر بارىسىندا ەلباسى نۇرسۇلتان نازاربايەۆ ايتتى.

«جاپونيا - كۇنشىعىس ەلى، كورەيا - تاڭعى شىق ەلى، نيدەرلاندى - قىزعالداقتار ەلى. قىتاي - اسپان استى ەلى. بىزدەرگە بۇل دا جەتىسپەيدى. قازاقستان - ۇلى دالا ەلى. ۇلى دالا، ماڭگىلىك زەڭگىر كوك اسپان. ءبىرتۇتاس ءتۇس ءبىزدىڭ ەلىمىزدى بىرىكتىرە تۇسەدى»، - دەدى ەلباسى.

سونىمەن بىرگە مەملەكەت باسشىسى بۇگىنگى تاڭدا جاڭا قازاقستاندى الەمگە تانىتۋ قاجەتتىگىن باسا ايتتى.

«ءبىز - ۇلى دالا پەرزەنتتەرىمىز. ءبىز تەك كوشپەندىلەر عانا ەمەسپىز. ءدال وسى ۇرانمەن، وسى جاڭا برەندپەن ءبىز الەمگە جاڭا قازاقستاندى تانىتۋىمىز قاجەت. بۇل ءۇشىن مەن يندۋستريالاندىرۋ، جاڭا ەكونوميكالىق ساياسات، 5 ينستيتۋتتىق رەفورما يدەيالارىن ۇسىندىم»، - دەدى ن. نازاربايەۆ.

اۆتور: مارلان جيەمباي