سالىنىپ جاتقان كوپ قاباتتى ۇيلەردە بالاباقشالار ورنالاستىرۋ قاجەت - ن. نازاربايەۆ

استانا. قازاقپارات - سالىنىپ جاتقان كوپ قاباتتى ۇيلەردە بالاباقشالار ورنالاستىرۋ قاجەت. بۇل تۋرالى بۇگىن ەلىمىزدىڭ «نۇرلى جول» جانە يندۋستريالدى-يننوۆاتسيالىق مەملەكەتتىك باعدارلامالارىنىڭ ىسكە اسىرىلۋ بارىسىنا ارنالعان جالپى ۇلتتىق تەلەكوپىر بارىسىندا ەلباسى نۇرسۇلتان نازاربايەۆ ايتتى.

«تۇرعىن ءۇي قۇرىلىسىنا، سونىمەن قاتار بالاباقشالارعا قاتىستى ايتارىم، بارلىق وبلىستاردا بۇعان جەكە كومپانيالاردى تارتۋعا تىرىسۋ قاجەت. ءبىز ولاردىڭ قالاي جاقسى جۇمىس ىستەيتىندىگىن كوردىك. ءبىز سالىنىپ جاتقان كوپ قاباتتى ۇيلەردە بالاباقشالار ورنالاستىرۋ قاجەتتىگىن ايتتىق. ءبىز سالىپ جاتقانداي باسسەينى مەن بوتانيكالىق باعى بار سارايلار قاجەت ەمەس. دوعارۋ قاجەت. بۇل ۇيلەردە قاراپايىم بالاباقشا بولۋى ءتيىس. ياعني، سول ۇيلەردىڭ بالالارى بارا الاتىن 500, 100 شارشى مەتر بولۋى ءتيىس»، - دەدى ەلباسى.

سونىمەن قاتار مەملەكەت باسشىسى تاۋەلسىزدىك جىلدارى ىشىندە قازاقستان تاريحىندا بولماعان مەديتسينالىق جانە ءبىلىم بەرۋ مەكەمەلەرىنىڭ سالىنعانىن اتاپ ءوتتى.

«مۇنىڭ بارلىعىن سوڭىنا دەيىن جەتكىزەيىك. سودان كەيىن العا قاراي ىلگەرىلەيىك. 100 جىل ءومىر سۇردىك ءارى الداعى ۋاقىتتا دا جاقسى كەزەڭدە ءومىر سۇرەتىن بولامىز»، - دەدى ەلباسى.

اۆتور: مارلان جيەمباي