شۆارتسەنەگگەردىڭ ۇلى كينوداعى ءبىرىنشى ۇلكەن ءرولىن سومدايدى
15:40, 29 - ماۋسىم 2015
استانا. قازاقپارات - گولليۆۋدتىڭ تانىمال اكتەرى ارنولد شۆارتسەنەگگەردىڭ ۇلى پاتريك كينودا ءبىرىنشى ۇلكەن ءرولىن سومدايدى.
ول جاپوندىق ء«تۇن ورتاسىنداعى كۇن» (Midnight Sun) دراماسىندا باس ءرولدى ويناماق، - دەپ جازادى Deadline.
ءتۇسىرىلىمدى باستاۋ 2015 -جىلدىڭ قىركۇيەگىنە جوسپارلانىپ قويعان. ءفيلمنىڭ رەجيسسەرى - سكوتت سپير. «ءتۇن ورتاسىنداعى كۇن» ءفيلمى سيرەك كەزدەسەتىن گەنەتيكالىق اۋرۋ: تەرىنىڭ كۇن كوزىنە ۇلكەن سەزىمتالدىعىنا ۇشىراعان جاس ايەل تۋرالى باياندايدى. سيۋجەت بويىنشا، باس كەيىپكەر ايەل مۋزىكامەن جۇبانىپ، تۇنگى ۋاقىتتا گيتارادا ويناپ، ءان ايتادى. ءبىر كۇنى ول ونەرىن كوپشىلىككە پاش ەتۋدى ۇسىنعان جاس ادامدى كەزىكتىرەدى.
21 جاستاعى پاتريك شۆارتسەنەگگەر بۇگىندە ءۇش فيلمگە ءتۇسىپ ۇلگەرگەن: «قوسالقى ويىنشىلار» (2006)، «ماحاببات اۋرەسى» (2012) جانە «كلاستاستار 2» (2013). وسى كارتينالاردىڭ بارلىعىندا ول ەپيزودتاعى رولدەردى سومداعان.