كورشىلەردەن ۇيدە ادام بارىن ەستىپ، ولار بىردەن ىشكە كىرىپ كەتكەن.
«ولار ءبىرىنشى كەلدى. ۇيدە كىم بارىن سۇرادى. قارت اجە ۇيدەن شىعىپ ۇلگەردى. تۇپكى بولمەدە بالالارى بار ەدى. پوليسەيلەر ۇستەرىنە سۋ قۇيىپ جىبەرىپ، ۇيگە كىرىپ كەتتى. ءسويتىپ، ەكى ادامدى الىپ شىقتى. ولار بولماسا، ەشكىم وتقا كىرمەس ەدى»، - دەدى كورشىسى.
«ءبىر ءسات كۇتىپ تۇراتىن ۋاقىتىمىز بولعان جوق. اجە ۇيدە نەمەرەلەرى قالعانىن ايتىپ جىلاپ تۇردى. ءبىز ەكى ارىپتەسىم ەكەۋمىز ۇيگە كىرىپ كەتتىك. ءۇشىنشى پوليسەي سىرتتاعى ادامداردىڭ قاۋىپسىزدىگىن باقىلاپ تۇردى. قاس پەن كوزدىڭ اراسىندا جىلدام ارەكەت ەتۋ كەرەك بولدى. بالالاردى امان الىپ شىقتىق»، - دەدى اكىمشىلىك پوليسيا باسقارماسىنىڭ ارنايى باتالونىنىڭ ينسپەكتورى ەلدوس دوسانوۆ.
ءتىلسىز جاۋ سول ارادا قوڭسى قونعان ءۇش ءۇيدى جالماپ ۇلگەردى. قازىر ءورتتىڭ شىعۋ سەبەپتەرى انىقتالىپ جاتىر.