قىتايداعى ازەربايجان ەلشىسى ل. گانديلوۆ: ق ح ا - قازاقستان حالقىنىڭ باقىتى

بەيجىڭ. قازاقپارات - ق ر پرەزيدەنتى نۇرسۇلتان نازاربايەۆتىڭ ۇلىلىعى، ول قازاقستان حالقى اسسامبلەياسىن قۇرا الدى.

مۇنسىز سول ءبىر ءولى-ارا كەزەڭدە ەلدىڭ تۇتاستىعىنا قاۋىپ ءتونۋى ىقتيمال ەدى.

بۇل تۋرالى «قازاقستان بۇگىن جانە ەرتەڭ» اتتى دوڭگەلەك ۇستەلدە ازەربايجان رەسپۋبليكاسىنىڭ ق ح ر- داعى توتەنشە جانە وكىلەتتى ەلشىسى لاتيف گانديلوۆ ءمالىم ەتتى.

«قازاقستان حالقىنىڭ باقىتى سول، نۇرسۇلتان ءابىش ۇلى اۋىر جىلداردا ولارمەن بىرگە بولدى جانە قازاقستان حالقى اسسامبلەياسى سەكىلدى بىرەگەي دە ەرەكشە ينستيتۋتتى قۇرا الدى. مەن ۇنەمى نۇرسۇلتان ءابىش ۇلىن تىڭداۋمەن كەلەمىن. ول: الدىمەن ەكونوميكا، سونان سوڭ ساياسات پەن دەموكراتيا» دەيدى. ارينە، اش قارىنعا دەموكراتيا جونىندە ايتۋ مۇمكىن دە ەمەس جانە قاجەتسىز»، - دەدى ول.

ديپلومات ق ح ا- نىڭ قازاقستانداعى تۇراقتىلىقتى ساقتاۋداعى ءرولى جايلى ايتتى. سونداي-اق كەڭەستەر وداعىنداعى 1980- جىلدىڭ ورتا شەنى مەن 1990-جىلداردىڭ باسىنداعى جاعدايلاردى ەسكە الدى. 1988-جىلعى سۋمگايت قالاسىنداعى كاراباح قاقتىعىسىنىڭ شيەلەنىسۋىنە سوقتىرعان وقيعانى مىسال ەتتى.

«مۇنىڭ ءبارى ۇلتتىق ماسەلەلەردىڭ شەشىمىن تاپپاۋىنىڭ زاردابى. ال سول ۋاقىتتا قازاقستاندا نۇرسۇلتان نازاربايەۆتىڭ باستاماسىمەن قازاقستان حالقى اسسامبلەياسى قۇرىلدى.

نۇرسۇلتان ءابىش ۇلىنىڭ ۇلىلىعى سول، ءتۇرلى ۇلتتار وكىلدەرىنىڭ ق ح ا- دا ءوز پىكىرلەرىن ايتۋىنا مۇمكىندىك تۋعىزدى»، دەپ اتاپ ءوتتى ل. گانديلوۆ.

بەيجىڭدە بولعان «قازاقستان بۇگىن جانە ەرتەڭ» اتتى دوڭگەلەك ۇستەل وتىرىسىن قىتايدىڭ شەت ەلدەرمەن حالىقتىق دوستاستىق قاۋىمى مەن ق ح ر- داعى قازاقستان ەلشىلىگى جانە قىتاي جانە ورتالىق ازيا دوستاستىق قاۋىمى ۇيىمداستىردى. باس قوسۋعا 70 تەن استام ادام - ديپلوماتيالىق كورپۋس، عىلىمي ورتا، ب ا ق وكىلدەرى قاتىستى.