ءبىر ايدان كەيىن «قورعاس- شىعىس قاقپاسى» العاشقى تاۋار قۇرامىن قابىلدايدى
بۇل تۋرالى ق ت ج باسپا ءسوز قىزمەتى حابارلادى.
كولىك- لوگيستيكالىق كەشەن الاڭىندا باسقا دا نىسانداردىڭ قۇرىلىسى اياقتالىپ قالدى. تاياۋدا كەدەندىك رەسىمدەۋ ورتالىعى، كونتەينەرلىك تەرمينالدار پايدالانۋعا بەرىلەدى.
قازىرگى ۋاقىتتا ءورت ءسوندىرۋ دەپوسى مەن بىرنەشە اكىمشىلىك عيماراتتار جۇمىس ىستەپ تۇر. پورت اۋماعىندا جۇك الۋشىلار مەن جونەلتۋشىلەرگە قولايلى بولۋ ءۇشىن الاڭى 10000 شارشى مەتر 2 قويما سالىندى.
ىسكە قوسۋدىڭ ءبىرىنشى كەزەڭىندە كولىكتىك- لوگيستيكالىق كەشەن جىلىنا 750 مىڭعا دەيىن كونتەينەرلەر وڭدەيدى. كونتەينەرلەردى تيەۋ جۇيەسى تولىقتاي اۆتوماتتاندىرىلعان. ءبىر ايدان كەيىن قۇرعاق پورتتا العاشقى تاۋار قۇرامىن قابىلداۋ جوسپارلانۋدا.
قۇرعاق پورتتان بىرنەشە شاقىرىم جەردە «التىنكول» ستانساسى جۇمىس ىستەيتىن بولادى، ول ارقىلى تاۋار كونتەينەرلەرى ورتالىق ازيا، تمد ەلدەرى، ەۋروپا باعىتتارىنا جونەلتىلەدى.
«KTZE-Khorgos Gateway» ج ش س- نىڭ ءوندىرىس جونىندەگى باس ديرەكتورىنىڭ ورىنباسارى د. لاندجەرۆاننىڭ ايتۋىنشا، پورت جۇمىسىنا زاماناۋي IT جۇيەسىن ەنگىزۋ جوسپارلانۋدا.
«قازىر الاڭدا 4 ادام جۇمىس ىستەيدى، كەيىننەن تيەۋ ۇردىستەرى تولىقتاي ماشينالارمەن جۇرگىزىلەدى، ولاردى كەڭسەدەن وپەراتورلار باسقاراتىن بولادى. قازىر ءبىر ۋاقىتتا 6 ۆاگون وڭدەيتىن 6 رەلستىك كراندار اكەلىنۋدە»، - دەپ اتاپ ءوتتى ول.
قۇرعاق پورتتان تەمىر جول بويىنشا تاۋار كونتەينەرلەرى باتىس ەۋروپا ەلدەرىنە 2 اپتادا جەتە الاتىن بولادى، بۇل تەڭىز جولىنا قاراعاندا، بارىنشا جىلدام ءارى ارزان. پورتتىڭ ۇزدىكسىز قىزمەتىن 5000 عا جۋىق قىزمەتكەر قامتاماسىز ەتەدى.
بارلىق كولىكتىك- لوگيستيكالىق كەشەن قۇرىلىسى جالعاسا بەرەدى. 2016 -جىلى مۇندا اۆتومومبيل جولى پايدالانۋعا بەرىلەدى، ول «باتىس ەۋروپا- باتىس قىتاي» حالىقارالىق كولىك دالىزىمەن بىرىگەدى.
كەلەشەكتە قۇرعاق پورت ەۋروپالىق قۇرلىقتا ءىرى ترانزيتتىك ءدالىز عانا ەمەس، الەمنىڭ باس كولىكتىك كۇرەتامىرىنىڭ بىرىنە اينالادى.