استانانىڭ دامۋى تۋرالى پىكىرىن ول Tengrinews.kz تىلشىسىنە بەرگەن سۇحباتىندا ايتتى.
«مەن مۇندا ءۇش جىل جۇمىس ىستەدىم، جوبالاۋعا، قۇرىلىسقا قاتىستىم، التى جىل ۇزىلىستەن كەيىن قايتىپ كەلدىم جانە استانانىڭ كەلبەتىن مىناۋ كوپ قاباتتى، ەكونوم- كلاستاعى قۇرىلىمدار بۇزىپ تۇرعانىن ايتپاي وتۋگە بولماس، ولار ءوزىنىڭ ىرىلىگىمەن، قاراپايىم سحەمالىق شەشىمىمەن كوزگە ۇرىپ تۇر. استانانىڭ ورتالىعىنداعى جانە ەرەكشە نىسانداردىڭ دەڭگەيىن تۇسىرمەۋ ءۇشىن ولاردىڭ پلاستيكاسىن، قاسبەتىن، ءتۇسىن سايكەستەندىرۋ كەرەك، كوپتۇرلى ەتۋ كەرەك»، - دەدى ول استانادا ءوتىپ جاتقان «كەڭىستىك. ۋاقىت. ساۋلەت» حالىقارالىق كونفەرەنسياسىنىڭ ۇزىلىسىندە.
سونىمەن قاتار، ول قازاقستان ەلورداسىنىڭ سول جاعالاۋىن قالايشا «تىرىلتۋگە» بولاتىنىن ءتۇسىندىردى.
«استانانىڭ سول جاعالاۋىن، مەنىڭشە، كولىك قۇرىلىمدارىن، جاياۋ جۇرگىنشىلەرگە، ۆەلوسيپەدشىلەرگە، دەمالىس ورىندارىنا ورىن بولاتىنداي ويلاستىرۋ ارقىلى تىرىلتۋگە بولادى دەپ ويلايمىن، وسى كوممۋنيكاتسيالىق بايلانىستار ويلاستىرىلعان بولۋى كەرەك. قاراپايىم مىسال، «دۋمان» قوناق ءۇيى تۇر، جانىندا «مەگا»، ماڭىندا ساياباق جاتىر، الايدا ساياباق وسى كەشەنمەن ءتيىپ تۇر، ساياباققا بارۋ قيىن.
ساياباققا بارۋ ءۇشىن اينالىپ ءوتۋ كەرەك. بۇل قالانىڭ بەلسەندى ەمەس دەگەن اتقا يە بولۋى دا سول - ويلاستىرماي، نەمقۇرايلى سالىنۋىندا. «مەگا» ساۋدا ءۇيى مەن «حان شاتىردىڭ» الدىندا بولسا ادامدار وندا قينالماي- اق بارا الاتىن ەدى. مىنە، ادامدار قاقپاعا تىرەلىپ قالاتىندىقتان سولاي دەپ اتايدى، سەبەبى مۇنداي جاعدايلار ادامنىڭ اشۋىن تۋعىزادى»، - دەدى ساۋلەتشى.