قازاق دياسپورالارىنا ارنالعان «قازاقستان - اتا جۇرتىم، قاسيەتىم - انا ءتىلىم» اتتى حالىقارالىق وليمپيادا جالعاسۋدا - فوتو

  قىزىلوردا. قازاقپارات - شەتەلدە تۇراتىن قازاق دياسپوراسىنىڭ ەرەكشە دارىندى بالالارىن انىقتاۋ جانە ولارعا قولداۋ كورسەتۋ ماقساتىندا قازاقستان رەسپۋبليكاسىنىڭ ءبىلىم جانە عىلىم مينيسترلىگى،

«دارىن» رەسپۋبليكالىق عىلىمي- پراكتيكالىق ورتالىعىنىڭ ۇيىمداستىرۋىمەن اعىمداعى جىلدىڭ 24 - ماۋسىم كۇنى  قىزىلوردا قالاسى، №4 وبلىستىق دارىندى بالالارعا ارنالعان مەكتەپ- ينتەرناتىنىڭ بازاسىندا «قازاقستان - اتا جۇرتىم، قاسيەتىم - انا ءتىلىم» اتتى قازاق ءتىلى مەن ادەبيەتى ءپانى بويىنشا قازاق دياسپورالارىنا ارنالعان 12- حالىقارالىق وليمپياداسىنىڭ Ⅱكەزەڭى ءوتتى.

بۇل تۋرالى وبلىستىق ءبىلىم باسقارماسىنىڭ باسپا ءسوز قىزمەتى حابارلادى.

 توپ جەتەكشىلەرى №4 وبلىستىق دارىندى بالالارعا ارنالعان مەكتەپ- ينتەرناتىنىڭ قازاق ءتىلى مەن ادەبيەتى ءپانىنىڭ مۇعالىمدەرىمەن ءىس- تاجىريبەسىنەن وقىتۋداعى ءتيىمدى ءادىس- تاسىلدەر تۋرالى پىكىر الماستى.

 وليمپياداعا قاتىسۋشى وقۋشىلار مەكتەپ- ينتەرناتتىڭ اكت زالىندا ءوز ونەرلەرىن كورسەتتى. اتا جۇرتىن اڭساعان وقۋشىلار قازاق ادەبيەتىنىڭ مايتالمان اقىن- جازۋشىلارىنىڭ ءتول تۋىندىلارىنان ۇزىندىلەردى، وزدەرى شىعارعان ولەڭدەرىن وقىپ، ءان ايتىپ، بي بيلەدى.

 ال تۇستەن كەيىن وليمپياداعا قاتىسۋشى وقۋشىلار مەن قوناقتار  قىزىلوردا وبلىسىنىڭ قارماقشى اۋدانىنداعى قورقىت اتا مەموريالدىق كەشەنىنە ساياحات جاساپ، ەرەكشە اسەرمەن ورالدى.

 «قازاقستان - اتا جۇرتىم، قاسيەتىم - انا ءتىلىم» اتتى 12 - حالىقارالىق وليمپيادا قورىتىندىسى بۇگىن، 25 - ماۋسىم كۇنى ا. توقماعامبەتوۆ اتىنداعى  قىزىلوردا قالالىق مادەنيەت ۇيىندە قازىلار القاسىنىڭ شەشىمى بويىنشا جاريالانادى دەپ كۇتىلۋدە.