1964 - جىلدىڭ مامىر ايىندا دۇنيەگە كەلگەن رونني بالا كەزىنەن سپورتقا بەيىم بولىپ وسكەن. بالا رونني كوپ ۋاقىتىن جاتتىعۋ زالىندا وتكىزىپ، فۋتبول، باسكەتبول، ۆولەيبول ويىندارىن شەبەر مەڭگەرگەن.
12 جاسىندا بۇلشىق ەتى سىرتىنا تەپكەن بالانى كورگەندەر ونى اۋىر اتلەتيكامەن اينالىسىپ ءجۇر دەپ ويلاعان. ءبىراق ولار قاتەلەسكەن ەكەن، ول ءتىپتى زىلتەمىردىڭ جانىنا دا بارماپتى. تەك تۋرنيكتە تارتىلىپ، ەدەندە ەتبەتتەپ جاتىپ، اياق- قولدارىنىڭ بۇلشىق ەتتەرىن شىنىقتىرعان. ارادا جىلدار وتكەندە عانا اۋىر اتلەتيكاعا كوڭىل بولە باستاعان.
رونني الەمدەگى ەڭ كۇشتى كۋلتۋريست. 1986 - جىلى ا ق ش- تاعى گرەنبلينگ ۋنيۆەرسيتەتىن بىتىرگەن سوڭ سپورتقا ءبىرجولاتا دەن قويعان. تەحاس شتاتىنداعى ارلينگتون قالاسىندا پوليتسيا بولىمشەسىندە دە جۇمىس ىستەگەن. دەگەنمەن، جانىنا سەرىك بولعان سپورتتى تاستاماي، جاتتىعۋلارىن جالعاستىرا بەرگەن. ناتيجەسىندە ءبىرقاتار سپورتتىق تۋرنيرلەردە جۇلدەلى ورىندارعا يە بولعان.
2007 -جىلى «ميستەر وليمپيا» كونكۋرسىندا بۇلا كۇشتىڭ يەسى باسەكەلەستەرىنەن الدا بولعان. سالماعى 150 كيلوگرام، بويى 185 س م بولاتىن الىپتىڭ الدىنا ەشكىم دە تۇسە الماعان.
رونني ءالى دە ۇلكەن سپورتتان قول ۇزبەي كەلەدى. كۇن سايىن جاتتىعۋلار جاساپ، دەنە سىمباتىن ارتتىرۋ - جاننىڭ باستى ەرمەگىنە اينالعان.
http://smartnews.kz