استانا قالاسىنىڭ اكىمدىگى كونفەدەراتسيانىڭ قولداۋحاتىمەن تۇرعىن ءۇي قورىنان ءتورت سپورتشىعا جالدامالى تۇرعىن ءۇي بەردى. جاڭا پاتەر كىلتىن سالتاناتتى جاعدايدا استانا قالاسى اكىمىنىڭ ورىنباسارى ەرمەك امانشايەۆ تابىستادى.
قونىس تويىن تويلاۋشىلاردىڭ ىشىندە وليمپيادا ويىندارىنىڭ جەڭىمپازى گۋزەل مانيۋروۆا، بوكستان 2014 - جىلعى ازيا ويىندارىنىڭ جەڭىمپازى ءىلياس سۇلەيمەنوۆ، الەم چەمپيوناتىنىڭ كۇمىس جۇلدەگەرى ءلاززات كۇنگەيبايەۆا، ازيا ويىندارىنىڭ جۇلدەگەرى، ازيانىڭ ءۇش دۇركىن چەمپيونى تاتيانا امانجول بار.
سونداي-اق، بۇل كۇنى ءلاززات كۇنگەيبايەۆاعا «قازاقستان رەسپۋبليكاسىنىڭ ەڭبەك سىڭىرگەن سپورت شەبەرى» اتاعى بەرىلدى. كۋالىكتى كونفەدەراتسيا ءتوراعاسى تيمۋر قۇلىبايەۆ تابىستادى.
پاتەر يەلەنگەندەردىڭ ءبىرى ءىلياس سۇلەيمەنوۆ تۇرعىن ءۇي جاس وتباسىلارعا باعا جەتپەس سىيلىق بولعانىن ايتتى.
«وتكەن جىلى ۇلىم دۇنيەگە كەلگەن. بۇل سوندىقتان، ءبىز ءۇشىن ەرەكشە وقيعا. ەندى ءوز ءۇيىمىز بار. وتە باقىتتىمىن. استانا قالاسىنىڭ اكىمدىگى مەن كونفەدەراتسياعا العىسىم شەكسىز»، - دەدى ول.
كونفەدەراتسيا ءتوراعاسى تيمۋر قۇلىبايەۆ استان قالاسىنىڭ اكىمى ءا. جاقسىبەكوۆكە سپورتقا جان-جاقتى قولداۋ كورسەتكەنى، سپورتشىلارعا تۇرعىن ءۇي بەرگەنى ءۇشىن العىس ءبىلدىردى، ال سپورتشىلارعا تابىس، جەڭىسكە جەتە بەرۋدى تىلەدى.