جالپى، بۇل وداقتىڭ قازاق ءتىلدى جۋرناليستەرگە قاتىسى شامالى-اق. ۇنەمى ءورىستىلدى ب ا ق- تاردىڭ سويىلىن سوعىپ، ءوز ساياساتتارىن ورىسشا جۇرگىزىپ كەلە جاتقان مەكەمە.
كەزىندە وسى وداققا بالاما ۇيىم قۇرىپ، قازاق جۋرناليستەرىنىڭ مۇددەسىن قورعاۋ تۋرالى بىرنەشە مارتە باستاما دا كوتەرىلگەن.
ونسىز دا قازاق جۋرناليستيكاسىن تۇنشىقتىرۋعا جۇمىس ىستەپ كەلگەن ۇيىم ەندى قازاقستان جۋرناليستيكاسىن مۇلدەم قورلاپ، «ماسقارالاپ» تىندى.
ماتايەۆ مىرزا ا ق ش- تىڭ قۇپياسىن رەسەيگە ساتقان، س ر ۋ- دىڭ تىڭشىسىنان ورىستىڭ «وسەكشىسىنە» اينالعان ەدۋارد سنوۋدەنگە قازاقستان جۋرناليستەرىنىڭ كاسىبي مەرەكەسى قارساڭىندا «جۋرناليستىك زەرتتەۋ» نوميناتسياسىنىڭ ۇزدىگى دەگەن اتاق بەرىپتى. الجۋ دەگەن وسىنداي-اق بولار!
ەل ىشىندەگى سان ءتۇرلى پروبلەمالاردى كوتەرىپ، جۋرناليستىك زەرتتەۋدىڭ مايىن ءىشىپ جۇرگەن مايتالمانداردىڭ ەشقايسىسىن ەلەمەي، ايدالاداعى بىرەۋگە اتاق بەرىپ جاتقان وداقتىڭ باسشىلارىندا اقىل، ەس بار دەگەنگە ەندى سەنۋ قيىن. الدە بۇل ماسكەۋگە جاعىنۋدىڭ جاڭا ءتاسىلى مە؟
«شىن- اقپارات»