سۋرەت بىرنەشە جىل بويى كونە بولۋىنا بايلانىستى جۇرت نازارىنا ۇسىنىلماي كەلگەن. قايتالانباس تۋىندى تۋرين كورولدىك كىتاپحاناسىنان قۇپيا جاعدايدا جەتكىزىلدى.
50 ميلليون ەۋروعا ساقتاندىرىلعان سۋرەت ىلعالدىلىعى مەن تەمپەراتۋراسى قالىپتى قۇرىش بوكستىڭ ىشىنە ورنالاستىرىلعان ەكەن. ساپاسىن ءمىنسىز قالىپتا ساقتاۋ ءۇشىن كورمە زالىنىڭ جارىعى دا ءسوندىرىلدى.
ساراپشىلار «ۇلى قاريا اۋىر ناۋقاستانعان» دەپ باعا بەرۋدە. شەبەردىڭ قىلقالامىنان تۋىنداعان شەدەۆر، شامامەن، 500 جىل بۇرىن سالىنعان. قازىر كوپشىلىك سۋرەت بەتىندە جىل ساناپ كوبەيىپ بارا جاتقان قوڭىر داقتارعا قاتىستى الاڭداپ وتىر.
دەي تۇرعانمەن، عالىمدار ونىڭ قۇندىلىعىن بارىنشا ساقتاپ قالۋدىڭ امالىن تاپقانداي. لەوناردو دا ۆينچي اۆتوپورترەتىن، شامامەن، 60 جاسىندا سالعان. بۇل سۋرەت ونىڭ شىعارماشىلىق جولىنداعى ەڭ ۇزدىك تۋىندى بولىپ سانالادى.
ماريا كريستينا ميزيتي، مۇراعات پەن كىتاپ مۇراسىن قالپىنا كەلتىرۋ جانە ساقتاۋ ينستيتۋتىنىڭ ديرەكتورى:
- ءبىز جۇقا قاعازدىڭ ءارىن كەتىرۋى مۇمكىن حيميالىق قۇرالداردى قولدانباي، قۇرعاق تازالاۋ ادىسىمەن دەرناسىلدەر مەن شاڭ-توزاڭدى تۇگەل جويدىق. قازىر ونەر يەسىنىڭ سۋرەتى قالىپتى جاعدايدا.
www.24.kz