نەگىزگى شارا اياقتالعاننان كەيىن ىشكى ىستەر ءمينيسترى ق ر ءى ءى م وقۋ ورىندارىنىڭ تۇلەكتەرىنە لەيتەنات پوگوندارىن تابىس ەتتى.
«قۇرمەتتى ارىپتەستەر، قۇرمەتتى ارداگەرلەر، مەن سىزدەردى كاسىبي مەرەكەلەرىڭىزبەن قۇتتىقتايمىن! مىنە، بىرنەشە كۇننەن بەرى وسىناۋ اتاۋلى داتا ەلىمىزدىڭ بارلىق وڭىرىندە اتالىپ وتىلۋدە. ءبىزدىڭ تاريحىمىزدىڭ ءاربىر كەزەڭىنىڭ ءوز قيىندىقتارى بولدى. ءبىراق، ءبىز وعان توتەپ بەردىك. وسى رەتتە ءبىزدىڭ اراداگەرلەرىمىزگە زور ەڭبەكتەرى ءۇشىن العىسىمدى بىلدىرەمىن»، - دەدى ق. قاسىموۆ.
ايتا كەتەرلىگى، ىشكى ىستەر ءمينيسترىنىڭ بۇيرىعىمەن ءبىرقاتار پوليتسيا قىزمەتكەرى «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىمەن ماراپاتتالدى.
بيىل قازاقستان پوليتسياسىنىڭ قۇرىلعانىنا 23 جىل تولىپ وتىر. تاۋەلسىزدىك جىلدارى ىشىندە 900 دەن استام پوليتسيا جانە ۇلتتىق گۆارديا قىزمەتكەرى قىزمەتتىك بورىشىن ابىرويمەن اتقارعانى ءۇشىن مەملەكەتتىك ناگرادالارمەن ماراپاتتالدى. ولاردىڭ 95 ىنە ناگرادا قازا تاپقاننان كەيىن بەرىلدى.
اۆتور: مارلان جيەمباي