بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «ق ت ج» ا ق فيليالى - كولىكتىڭ لوگيستيكالىق دامۋ ورتالىعى» ديرەكتورىنىڭ ورىنباسارى ابدۋر- راشيد ساكەنوۆ ءمالىم ەتتى.
تاياۋدا استانا اۋەجايىندا ۇشۋ- قونۋ الاڭىن قايتا جاراقتاندىرۋ مەن جاڭا تەرمينال قۇرىلىسىن جۇزەگە اسىرۋ جوسپارلانىپ وتىرعانىنىنا توقتالعان ول: «بۇل جوبانىڭ اياقتالۋ مەرزىمى 2017 - جىلدىڭ ناۋرىزىنا بەلگىلەنىپ وتىر. 2015 - جىلى تەمىر قۇيمالاردىڭ باستى قاڭقالارى ورناتىلادى. قازىرگى كەزدە دايىندىق جۇمىستارى ءجۇرىپ جاتىر. بۇل جوبانىڭ باستى ماقساتى - اۋەجايدان وتەتىن جولاۋشىلاردىڭ سانىن ساعاتىنا 750 ادامنان 2,500-گە دەيىن ارتتىرۋ. ساپارلايتىن ادامداردىڭ سانىن جىلىنا 3,5 ميلليوننان 7 ميلليونعا دەيىن جەتكىزۋ كوزدەلىپ وتىر»، - دەدى.
ساكەنوۆتىڭ سوزىنە قاراعاندا، بۇل جوبا ىسكە قوسىلعاننان كەيىن 400 ادامعا جۇمىس ورنى اشىلادى. قۇرىلىس كەزىندە 1 مىڭنان استام جۇمىسشى تارتىلادى.
«2016 - جىلى تەرمينالدىڭ ىشكى جانە سىرتقى جۇمىستارى اياقتالادى. ودان باسقا ۇشۋ- قونۋ الاڭى قازىرگى زامانعى تالاپتارعا سايكەس جوعارى ستاندارتتارمەن سالىنادى. وسى ورايدا اۋەجاي اۋا رايى جاعدايىنا قاراماستان، ۇشاقتاردى قابىلداۋعا قاۋقارلى بولادى»، - دەپ تۇيىندەدى ول.
اۆتور : رۋسلان عابباسوۆ