فوتوتىلشىلەر كەرەي مەن جانىبەك تۋ تىككەن جەرگە باردى

تاراز. قازاقپارات - قازاق مەملەكەتتىگىنىڭ قالىپتاسۋىن پاش ەتەتىن ءوڭىردىڭ تاريحي ورىندارىندا قازاق حاندىعىنىڭ 550 جىلدىعىنا ارنالعان فوتوەكسپەديتسيا ۇيىمداستىرىلدى، دەپ حابارلادى جامبىل وبلىسىنىڭ اكىمدىگىنەن.

رەسپۋبليكالىق جانە وبلىستىق ب ا ق فوتو تىلشىلەرى 550 جىل بۇرىن كەرەي مەن جانىبەك حاندار جاڭا مەملەكەتتىڭ نەگىزىن قالاعان شۋ اۋدانىنداعى جايساڭ شاتقالىن، رىسقۇلوۆ اۋدانىنداعى اقىرتاس ساراي كەشەنىن، مويىنقۇم اۋدانىنىڭ ءبىرقاتار تاريحي ورىندارىن ارالادى.

بۇل فوتوسۋرەتتەردى ەلدىڭ وقۋ ورىندارى مەن مەملەكەتتىك مەكەمەلەردى رەسىمدەۋ ءۇشىن پايدالانۋعا بولادى.

بۇدان باسقا، تارازدا قازاق حاندىعىنىڭ 550 جىلدىعىن مەرەكەلەۋ سالتاناتى ۋاقىتىندا فوتوكورمە وتەدى، رەسپۋبليكا تاۋەلسىزدىگىنىڭ 20 جىلدىعى قۇرمەتىنە فوتوالبوم شىعارىلادى.