مۇندا حالىقارالىق يوگا كۇنى العاش رەت وتكىزىلىپ جاتىر. ءۇندى استاناسىنىڭ ورتالىعىندا ءتارتىپتى مىڭداعان پوليتسيا قىزمەتكەرى قامتاماسىز ەتۋدە.
جەكسەنبى كۇنى رادجپاتح داڭعىلىندا يوگامەن 35 مىڭعا جۋىق ادام اينالىساتىنى كۇتىلىپ وتىر، ولاردىڭ اراسىندا شەنەۋنىكتەر، ستۋدەنتتەر مەن اسكەريلەر بار.
سالتاناتتى شاراعا سونداي-اق گيننەستىڭ رەكوردتار كىتابىنىڭ وكىلدەرى شاقىرىلدى. ولار يوگامەن ءبىر ۋاقىتتا ەڭ كوپ ادامنىڭ اينالىسقان فاكتىسىن تىركەۋى مۇمكىن.
قاتىسۋشىلاردى ءۇندىستاننىڭ پرەمەر-ءمينيسترى نارەدرا مودي قۇتتىقتادى. ايتا كەتكەن ءجون، موديدىڭ باستاماسىمەن وتكەن جىلدىڭ جەلتوقسان ايىندا ب ۇ ۇ- نىڭ باس اسسامبلەياسى 21- ماۋسىمدى حالىقارالىق يوگا كۇنى دەپ جاريالاعان بولاتىن.