«موي گورود» پورتالىنىڭ حابارلاۋىنشا، بويجەتكەندى مۇنداي قادامعا يتەرمەلەگەن - ىشىندەگى شاراناسى.
پورتال جاريالاعان اقپاراتقا سۇيەنسەك، شالقار اۋدانىنىڭ جاڭاقونىس اۋىلىندا تۇراتىن 17 جاسار قىز قولىنا تۇسكەن ءدارى-دارمەكتىڭ ءبارىن جۇتىپ، كوماعا تۇسكەن.
كەيىن مەكتەپ تۇلەگىنىڭ جۇكتى ەكەنى انىقتالدى. 15 -ماۋسىم كۇنى اۋرۋحاناعا جەتكىزىلگەن بويجەتكەننىڭ جاعدايى ءماز ەمەس. الدىن-الا مالىمەت بويىنشا، قىز مۇنداي ارەكەتكە اكەسىنەن قورىققاندىقتان بارعان. بويجەتكەننىڭ مەدبيكە بولىپ ىستەيتىن اناسى جۇكتىلىك تۋرالى بىلگەن، ءبىراق وتاعاسىنان جاسىرىپ ءجۇرىپتى.
دارىگەرلەردىڭ انىقتاۋىنشا، ءوز ومىرىمەن قوشتاسپاقشى بولعان قىز جۇكتىلىكتىڭ ءتورتىنشى ايىندا ەكەن. تۇلەك الدىمەن بالالار اۋرۋحاناسىنا جاتقىزىلعان. ءبىراق جۇكتى ەكەنى بەلگىلى بولعاننان كەيىن نوۆوە سەلوسىنداعى وبلىستىق اۋرۋحاناعا جىبەرىپتى.
«ول كومادا بولدى، نەدەن ۋلانعانى تۇسىنىكسىز. ونى بىزگە اۋىلدىڭ «جەدەل جاردەمى» الىپ كەلدى. قىز تاياۋدا مەكتەپ بىتىرگەن، ۇ ب ت تاپسىرعان، قازىر جۇكتىلىكتىڭ ءتورتىنشى ايىندا. ءبىز ونى 17 -ماۋسىمدا ساناۆياتسيامەن اقتوبەگە جىبەردىك»، - دەيدى اق حالاتتىلار.
«تۇركىستان»