ەكسكليۋزيۆ: دجيددادان مەككەگە باراتىن جول جانە قاعبانى العاش كورۋ. ءتورتىنشى ءبولىم - فوتو

 استانا. قازاقپارات - «قازاقپارات» ح ا ءا- ءنىڭ فوتو رەداكتورى داۋرەن مۇحامەدجانوۆ مەككەگە كىشى قاجىلىققا بارىپ قايتقان ەدى. قاجىلىق ساپارى تۋرالى ول ءوزىنىڭ فوتورەپورتاجىنىڭ ءبىرىنشى بولىمىندە (استانا- ءابۋ- دابي- دجيددا جولى تۋرالى) بايانداپ بەرگەن بولاتىن.

 ەكىنشى بولىمىندە دجيددادان مەككەگە دەيىنگى جول سۋرەتتەلگەن. ۇشىنشىسىندە - الەمنىڭ ەڭ ۇلكەن مەشىتىنە بارعانىن جانە قاعبانى ءتاۋاب ەتكەنى ايتىلعان بولاتىن.

 «بۇگىندە سافا مەن مارۋانىڭ قاشىقتىعى 450 مەتر. ول - ءال- حارامنىڭ بولىگى بولىپ تابىلمايتىن ءوز الدىنا ۇلكەن جابىق كەشەن»، - دەيدى داۋرەن مۇحامەدجانوۆ.

قانداي دا ءبىر دەرتكە شالدىققان قاجى جاياۋ باستاپ، كەيىننەن قاتتى شارشاپ، ءيا اۋىرعانىن بىلسە، وعان جورانى ارباعا وتىرىپ جاساۋعا رۇقسات بەرىلەدى. بۇل ادامدارعا جورانى ءبىر- ءبىرىن باسپاي، ەكى تاۋدىق اراسىندا ءجۇرىپ جاساۋعا مۇمكىندىك بەرىپ وتىر.

ءزامزام سۋى - راقىمدى قۇدايدىڭ مەككە حالقى ءۇشىن بەرگەن ۇلكەن ەرەكشە نىعمەتى. 40 گرادۋس اپتاپ ىستىقتا سالقىن سۋدان ءتاتتى ەشتەڭە تابىلمايدى. ادام تاماقسىز ورتاشا ەسەپپەن 2 اپتا ءومىر سۇرە السا، سۋسىز نەبارى 2-3 كۇن عانا تىرشىلىك ەتە الادى. سوندىقتان ءزامزام مەككە كارتاسىنداعى ستراتەگيالىق ەڭ ماڭىزدى نۇكتەسى بولعان جانە بولىپ قالا بەرمەك.