شەتەلدىك ماماندار الەمدەگى ەڭ قىمبات قالالاردىڭ جۇزدىگىن جاريالادى
Mercer كونسالتينگتىك كومپانياسى وسىنداي مالىمەت بەردى دەپ حابارلايدى LS.
اقپارات بويىنشا، الماتى 111-ورىننان 94 كە دەيىن كوتەرىلگەن. وڭتۇستىك استانامىزبەن بىرگە بۇل پوزيتسيادا ليۋكسەمبۋرگ قالاسى دا ورنالاسقان.
ال الەمنىڭ ەڭ قىمبات قالاسى رەتىندە انگولا استاناسى لۋاندا اتالدى. ەكىنشى جانە ءۇشىنشى ورىنداردا گونكونگ (شياڭگاڭ) جانە سيۋريح (شۆەيتساريا) تۇر. بەستىككە سينگاپۋر جانە شۆەيتساريالىق جەنەۆا كىرەدى. وندىقتىڭ تىزىمىندە شاڭحاي (قىتاي)، بەيجىڭ (قىتاي)، سەۋل (وڭتۇستىك كورەيا)، بەرن (شۆەيتساريا) جانە ندجامەن (چاد) بار.
2015 -جىلداعى قىمبات قالالار ءتىزىمىنىڭ وندىعىنان ماسكەۋ شىعىپ كەتتى. ول 9-ورىننان بىردەن 50-ورىنعا ءتۇستى. توپ وندىقتاعى توكيو دا 11-ورىنعا اۋىستى.
شەتەلدىك ماماندار ءۇشىن ەڭ ارزان قالالار تىزىمىندە بىشكەك بار. ول ەڭ سوڭعى 207-ورىندا. قىرعىزستان استاناسىنىڭ الدىندا ناميبيا استاناسى ۆيندحۋك جانە پاكىستاندىق كاراچي تۇر.