ق ر پرەزيدەنتى ن. نازاربايەۆ رەسەي عىلىم اكادەمياسى ەكونوميكا ينستيتۋتىنىڭ قۇرمەت بەلگىسىمەن ماراپاتتالدى
ناگرادانى ق ر پرەزيدەنتىنە تابىستاۋدى وتىنگەن اتالعان ينستيتۋت ديرەكتورى رۋسلان گرينبەرگ:
«مەن ءۇشىن ەۋرازيالىق وداقتىڭ قۇرىلۋىنا نەگىز سالعان ادام رەتىندە نۇرسۇلتان ءابىش ۇلى نازاربايەۆقا ءبىزدىڭ ينستيتۋتتىڭ قۇرمەت بەلگىسىن بەرۋ زور مارتەبە.
ءبىز الەمدىك ەكونوميكادا ورتالىق كۇشتىڭ ءبىر ورتاعا جۇمىلدىرۋشى كۇشكە باسىمدىق تانىتىپ وتىرعان بەيمازا كەزەڭىندە ءومىر ءسۇرىپ جاتىرمىز. ءبىز بۇل بەلدەسۋدىڭ ناتيجەسىن ءدوپ باسىپ ايتا المايمىز. وسى ورايدا وڭىرلىك ەكونوميكالىق پروتسەسستەر ترەندىن اتاپ وتكەن ورىندى. رەسەي مەن قىتاي سىندى ەكى الىپ مەملەكەتتىڭ ورتاسىندا تۇرعان قازاقستاندى باسقارۋ ءۇشىن تەك اقىل مەن كاسىبيلىك قانا ەمەس، سونىمەن بىرگە ەرجۇرەكتىلىك تە قاجەت ەكەندىگىن اتاپ وتكىم كەلەدى. نۇرسۇلتان ءابىش ۇلى - ۋاقىت رۋحىن سەزىنە بىلگەن ءدال سونداي ەرجۇرەك ادام جانە مەن قازاقستان رەسپۋبليكاسىن ول باسقارىپ وتىرعانىنا قۋانامىن»، - دەدى ينستيتۋت ديرەكتورى.
ينستيتۋت باسشىسى قولىنان قۇرمەت بەلگىسىن قابىل العان قازاقستاننىڭ رەسەيدەگى ەلشىسى مارات ءتاجين ءوز كەزەگىندە رەسەيلىك اكادەميككە قازاقستان رەسپۋبليكاسى پرەزيدەنتىنىڭ ەرەكشە قىزمەتىن مويىنداعانى ءۇشىن ىستىق ىقىلاسىن ءبىلدىردى.
«نۇرسۇلتان ءابىش ۇلىنىڭ ەكونوميكالىق عىلىم مەن تاجىريبەنىڭ دامۋىنا قوسقان ۇلەسىنە زور باعا بەرگەنىڭىز ءۇشىن العىسىمدى بىلدىرەمىن. كوپ جاعدايدا قازاقستاننىڭ ەكونوميكالىق دامۋىنىڭ زاماناۋي مودەلى پرەزيدەنتتىڭ ەكونوميكالىق كوزقاراسىنىڭ ورلەۋىمەن جانە دامۋىمەن ايقىندالدى. ۇزاق جىلدار بويى قازاقستاننىڭ جوعارى ەكونوميكالىق جەتىستىككە جەتۋى - نۇرسۇلتان ءابىش ۇلىنىڭ شىنايى ەرىك- جىگەرىنىڭ ناتيجەسى»، - دەدى م. تاجين.
سونىمەن قاتار، قازاقستان ەلشىسى رعا ەكونوميكا ينستيتۋتى قازاقستانمەن ۇزاق ۋاقىتتان بەرى تىعىز ءارى جەمىستى بايلانىس ورناتقانىن اتاپ ءوتىپ، بۇل قارىم- قاتىناستىڭ ودان ءارى جالعاسىن تاباتىندىعىنا سەنىم ءبىلدىردى.
سالتاناتتى شاراعا قازاقستان ەلشىلىگىنىڭ قىزمەتكەرلەرى مەن بۇقارالىق اقپارات قۇرالدارىنىڭ وكىلدەرى قاتىستى.
اۆتور: مارلان جيەمباي