جاسى ەلۋدەن اسقان شىمكەنتتىك ازامات گاۋھار الىمبەكوۆاعا سىرعا سالماقشى
بۇل تۋرالى زامانا باسىلىمى حابارلايدى.
العاشقى نەكەدەگى ايەلى اۋىر ناۋقاستان كوز جۇمعان سوڭ ول جالعىز جۇرە بەرۋدەن جالىعىپ، وزىنە جار ىزدەي باستاپتى. ءبىر قىزىعى، المابەك وزىنە جار ەتكىسى كەلەتىن جاندى ىشتەي تاڭداپ قويعان. تەك ونىمەن تىكەلەي بايلانىسۋدىڭ رەتىن تاپپاي جۇرگەن كورىنەدى.
«مەن ءوزىم شىمكەنتتەگى «سامال» شاعىن اۋدانىندا تۇرامىن. ءتورت ۇل تاربيەلەپ وتىرمىن. ۇلدارىمنىڭ ءبارى اياقتانعان. كەلىنىم دە بار جاعدايىمدى جاساپ وتىر. ءبىراق ءبارىبىر سىرىڭدى ايتاتىن، كەيدە شۇيىركەلەسىپ وتىرىپ شاي ىشەتىن جان جارىڭنىڭ بولماعانى قيىن ەكەن. جالعىزدىق مەنىڭ جانىما قاتتى باتىپ ءجۇر»، - دەيدى تاشىمبەتوۆ.
المابەك تاشىمبەتوۆ وسىدان ءبىراز ۋاقىت بۇرىن تەلەديداردان ءانشى، سازگەر گاۋھار الىمبەكوۆانىڭ سۇحباتىن كورگەن.
«ول قىز ءالى كۇنگە دەيىن تۇرمىسقا شىقپاعان ەكەن. كەيىن ءوزىنىڭ جەكە كونتسەرتىنەن دە ءازىل- شىنى ارالاس جالعىزدىقتان جابىرقاپ، وزىنە ادال جار بولاتىن جاندى ىزدەپ جۇرگەنىن ءبىلدىردى. سودان بەرى مەندە مازا جوق. گاۋھار حانىممەن كەزدەسىپ، وعان دەگەن كوڭىلىمدى بىلدىرسەم دەگەن ارمان پايدا بولدى»، - دەيدى تۇرعىن.
المابەك جارى ومىردەن وتكەن سوڭ ءوزى سەكىلدى باسى بوس بىرنەشە ايەلمەن سويلەسىپ، ارالاسىپ كورگەنىن دە جاسىرمادى. الايدا وعان ولاردىڭ بىردە-بىرەۋى ۇناماپتى. ايتۋىنشا، جۇرەگى قالاماعان. ال ءوزى گاۋھار الىمبەكوۆانىڭ اندەرىن ءاۋ باستان ءسۇيىپ تىڭدايدى ەكەن.
nur.kz