شاراعا قاتىسقان قالالىق قۇزىرلى ورگانداردىڭ وكىلدەرى مەن ج و و مۇعالىمدەرى، بەلسەندى ستۋدەنتتەرى وقۋ ورىندارىنداعى سىبايلاس جەمقورلىققا قارسى كۇرەس تەتىكتەرىن تالقىلادى.
ت. رىسقۇلوۆ اتىنداعى جاڭا ەكونوميكالىق ۋنيۆەرسيتەتتىڭ قۇقىقتىق ماسەلەلەر جانە قاۋىپسىزدىك بويىنشا ديرەكتورى ۆالەري كوزلوۆ اتالعان وقۋ ورنىندا سىبايلاس جەمقورلىقپەن كۇرەس قالاي جۇرەتىندىگىن ايتىپ بەردى.
«ءبىز «ۋنيۆەرسيتەتتىڭ ادەپ كودەكسىن» قابىلدادىق. وندا پارا العان مۇعالىمدەر تارتىپتىك جاۋاپكەرشىلىككە الىناتىنى تايعا تاڭبا باسقانداي جازىلعان. كودەكسكە ءار ءمۇعالىم، ءار ستۋدەنت ءوز اتىنان قول قويعان. ال «پارا» تۋرالى تۇسپالداۋدىڭ ءوزى بىزدە اتالعان زاڭنامامەن قۋدالانادى. ستۋدەنتتەر وسىنداي تارتىپكە ۇيرەنىپ العان. وقۋ بارىسىندا اقشامەن جابۋ تۋرالى اڭگىمە جوق»، - دەدى ۆ. كوزلوۆ.
سونداي-اق، سىبايلاس جەمقورلىققا قارسى ساۋاتتاندىرۋ جانە جۇرتشىلىقپەن ءوزارا ءىس- قيمىل جاساۋ ءبولىم باسشىسى اناپين ماقساتحان قازاقستان رەسپۋبيكاسىنىڭ زاڭنامالارى بويىنشا قۇقىقبۇزۋشىلىقتى ازايتۋعا جانە قوعامدا قۇقىقتىق مادەنيەت دارەجەسىن جوعارىلاتۋعا قانداي شارالار جاسالاتىنىن اتاپ ءوتتى.
«مەملەكەت باسشىسى «نۇر وتان» پارتياسىنىڭ ХVI سەزىندە قازاقستان رەسپۋبليكاسىنىڭ مەملەكەتتىلىگىن نىعايتۋ ءۇشىن بەس ينستيتۋتسيونالدىق رەفورمانى جۇزەگە اسىرۋدى ۇسىندى. ونىڭ نەگىزگىسى - بارشاعا بىردەي وسى زامانعى، اشىق جانە حالىققا ەسەپ بەرۋشى مەملەكەت قۇرۋ. سوندىقتان، وسى باعىتتا جۇمىستى كۇشەيتە ءتۇسۋ كەرەك»، - دەدى م. اناپين.
اۆتور: گۇلميرا عوسمانالي