بايان- ولگەيدە وتكەن جىلقىشىلار سايىسى

استانا. قازاقپارات - ماۋسىمنىڭ 14 -كۇنى ساگساي سۇمىنى بوتامويىن ولكەسىندە ات سپورتىنان ايماق بىرىنشىلىگى ءجۇرىلىپ ءوتتى.

وتكەن جىلى باسەكەگە 16 جىلقىشى قاتىسقان بولسا، بيىل اۋقىمى كەڭەيىپ 24 جىلقىشى قاتىستى.

ولار قامشى ءىلۋ، شالما سالۋ جانە اساۋ ۇيرەتۋدەن ءوزارا باقتارىن سىنادى.

قامشى ىلۋدەن م. جاناربەك (نوگووننۋۋر) ، اساۋ ۇيرەتۋدەن س. جەڭىسبەك (ساگساي) ، شالما سالۋدان ناۋرىزحان (ساگساي) - دار ۇزدىك دەپ تانىلدى.

جەر جەردەن كەلگەن جىلقىشىلار تارتىستى ونەر كورسەتىپ، قورىتىندى بويىنشا ساگساي سۇمىندىق جەڭىسبەك سەرىك ۇلى ۇزدىك دەپ تانىلىپ، شىلدەنىڭ 12 - كۇنى ۋلانباتىر قالاسىندا وتەتىن ەل بىرىنشىلىگىنە جولداما الدى.

2014 -جىلعى ەل بىرىنشىلىگىندە بايان- ولگيلىكتەردىڭ ابىرويىن ءدال وسى اساۋ ۇيرەتۋ سايىسىندا تاعى ءبىر جەڭىسبەك ەسىمدى ازامات قورعاپ، ەل بىرىنشىلىگىندە توپ جارعان بولاتىن.

 

سۋرەتتە جىلقىشى جەڭىسبەك سەرىك ۇلى

kaznews.mn