رەسەي شەكاراشىلارى قازاقستان ازاماتىن اتىپ تاستاي جازدادى
08:51, 16 - ماۋسىم 2015
استانا. قازاقپارات - الاڭسىز ءومىر ءسۇرىپ كەلگەن سولتۇستىكتەگى ءۋاليحانوۆ اۋدانى قاراتەرەك اۋىلىنىڭ تۇرعىندارى كەي جەرلەردىڭ رەسەي قۇرامىنا كىرىپ جاتقانىن بىلمەيتىن بولىپ شىقتى.
وقيعا بولعان قازاقستان-رەسەي شەكاراسىندا كورشى ەلدىڭ ساقشىلارى مەن اۋىل تۇرعىنى اراسىنداعى تەكەتىرەس سوڭعىسىنىڭ ءۇش مەتر قاشىقتىقتى باسىپ وتكەنىنەن باستالعان.
ەگىس القاپتارىنىڭ بىرىندە جۇرگەن مەحانيزاتور جۋىردا عانا رەسەي قۇرامىنا قوسىلىپ كەتكەن جەردى بىلمەستىكتەن كەسىپ وتكەنىن ايتادى. ءبىراق ايتۋىنشا، رەسەيلىك شەكاراشىلاردىڭ قازاقستان جاعىندا ەمىن- ەركىن وق اتىپ جۇرگەنى تۋرالى ەشكىم ايتپاپتى.
«مەن ءوزىمىزدىڭ الپىسىنشى القاپقا تارتتىم. ولار مەنى سوڭىمنان ءالى قۋىپ كەلە جاتتى. سودان ولار ماعان ەڭ ءبىرىنشى دوڭعالاقتان اتتى. مەن اڭعارعان جوقپىن. كەيىن ولار الدىڭعى تەرەزەمە اتتى»، - دەيدى قاراتەرەك اۋىلىنىڭ تۇرعىنى رۋستام قاجىمۇراتوۆ.
31- كانال