الماتىدا رامازان ايىنىڭ قۇرمەتىنە مەرەكەلىك كەش ءوتتى - فوتو
قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مالعاجى ۇلىنىڭ باستاماسىمەن تۇڭعىش رەت ۇيىمداستىرىلعان رۋحاني كەش حالىقتىڭ كوڭىلىنەن شىقتى.
كەشكە بەلگىلى ونەر جۇلدىزدارى، اتاپ ايتقاندا، «زامان» توبى، «نۇر-مۇقاسان» توبى، «سۇڭقار» توبى، بەلگىلى ءانشى قاناتبەك پولاتبەك پەن رينات تورە قاتىسىپ، ماعىنالى ءدىني ءان-جىرلاردى ورىندادى. سونداي-اق ءدىن مەن داستۇرىمىزبەن استاسقان تاعىلىمدى قويىلىمدار مەرەكە ءسانىن اشا ءتۇستى.
«بۇل يگى شارا قاسيەتتى رامازان ايىنىڭ قارساڭىندا باس ءمۇفتيدىڭ باستاماسىمەن العاش رەت ۇيىمداستىرىلىپ وتىر. الەم ەلدەرى قاسيەتتى رامازان ايىن قۋانىشپەن قارسى الىپ، ونى قۇرمەتپەن قيماستىقپەن شىعارىپ سالادى. ولاي بولسا، رۋحاني كەشتى ۇيىمداستىرۋداعى باستى ماقساتىمىز - رامازان ايىن ەرەكشە ىقىلاسپەن قارسى الۋ. اللا تاعالا بۇل ايدا ۇستاعان ورازالارىمىز بەن جاساعان ساليحالى امالدارىمىزدىڭ ساۋابىن ارتتىرىپ، ەلىمىزگە بەرەكەسىن، مول ريزىعىن جاۋدىرعاي»، - دەدى كەش بارىسىندا ءسوز سويلەگەن ق م د ب جالپى جانە جاستار ءىسى ءبولىمىنىڭ مەڭگەرۋشىسى التىنبەك ۇتىسقان ۇلى.