الەمدەگى ەڭ ۇزىن پيسسا ازىرلەندى

استانا. قازاقپارات - يتالياندىق اسپازدار الەمدەگى ەڭ ۇزىن پيسسانى ازىرلەدى، دەپ حابارلايدى The Local.it.

رەندە قالاسىندا بۇل تاعامدى دايىنداۋعا 16 ساعات ۋاقىت جۇمسالعان. ءسويتىپ، ۇزىندىعى 1,2 شاقىرىمنان اساتىن پيسسا ازىرلەندى.

ونى ءپىسىرۋ ءۇشىن ارنايى پەش پايدالانىلدى. پيسسانىڭ ءبىر بولىگى ءازىر بولعان كەزدە ونى ۇستەلگە قويىپ، كەلەسى بولىگىن پەشتىڭ ىشىنە سالعان.

رەكوردتىق استى تاماشالاۋعا 60 مىڭعا جۋىق ادام جينالدى، ولاردىڭ كەيبىرى استى ازىرلەۋگە كومەگىن دە بەردى.

بۇعان دەيىن ەڭ ۇزىن - ۇزىندىعى 1,14 شاقىرىم بولاتىن پيسسانى 2011 -جىلى يسپاندىقتار ازىرلەگەن بولاتىن.

رەكورد ورناتقان يسپاندىقتار وسىلايشا، رەندە قالاسىنىڭ مۇمكىندىگى شەكتەۋلى جانە ەگدە جاستاعى جاندارى ءۇشىن ارنايى اۆتوبۋستى جولعا شىعارۋعا قاجەتتى قاراجاتتى جيناپ الدى.