الەمدىك زاڭ ۇستەمدىگى رەيتينگىسىندەگى قازاقستان رەسەي مەن قىتايدان الدا كەلەدى

ياعني، وتكەن جىلمەن سالىستىرعاندا التى ورىنعا كوتەرىلدى.

بۇل رەيتينگ بۇكىل الەمدە زاڭنىڭ ۇستەمدىگىن دامىتۋ باعىتىندا جۇمىس ىستەيتىن، تاۋەلسىز، كوپسالالى «World Justice Project»  حالىقارالىق ۇكىمەتتىك ەمەس ۇيىمى تاراپىنان جىل سايىن ازىرلەنەدى.

رەيتينگ مىناداي نەگىزگى سەگىز كورسەتكىشكە نەگىزدەلگەن: بيلىك ينستيتۋتتارى قۇزىرەتىنىڭ شەكتەلۋى، سىبايلاس جەمقورلىقتىڭ بولماۋى، ءتارتىپ جانە قاۋىپسىزدىك، نەگىزگى قۇقىقتاردى قورعاۋ، بيلىك ينستيتۋتتارىنىڭ اشىقتىعى، زاڭداردىڭ ساقتالۋى، ازاماتتىق جانە قىلمىستىق سوت تورەلىگى.

جوبا قۇقىق ۇستەمدىگىنىڭ ماڭىزدىلىعى تۋرالى جۇرتشىلىقتىڭ حاباردار بولۋ دەڭگەيىن ارتتىرۋعا جانە مەملەكەتتىك رەفورمالاردى ىنتالاندىرۋعا باعىتتالعان.

بيىلعى جىلى رەيتينگ شەڭبەرىندە 102 ەل باعالاندى. قازاقستان اتالعان رەيتينگتە ءبىرقاتار: مولدوۆا (69 ورىندا)، ۋكراينا (70)، قىتاي (71)، قىرعىزستان (74)، رەسەي (75)، تۇركيا (80)، وزبەكستان (81) سەكىلدى ەلدەردەن وزىق شىقتى.

دانيا، نورۆەگيا، شۆەتسيا، فينليانديا جانە نيدەرلاندى سەكىلدى سولتۇستىك ەۋروپا ەلدەرى الەمدىك رەيتينگتىڭ ەڭ الدىڭعى قاتارىنان ورىن الدى.

سونداي-اق، ۇزدىك وندىق جاڭا زەلانديا، اۆستريا، گەرمانيا، سينگاپۋر جانە اۆسترالياعا تيەسىلى. ال زيمبابۆە، اۋعانستان جانە ۆەنەسۋەلا ەلدەرى رەيتينگتىڭ سوڭعى ورىندارىندا قالعان.