ءتورت ستۋدەنتتىڭ ولىمىنە ايىپتى ءۇيقاماققا الىندى - اقمولا وبلىسى
بۇل تۋرالى قورعالجىن اۋداندىق پروكۋراتۋراسىنان حابارلادى.
ەسكە سالا كەتسەك، ماۋسىمنىڭ 10 ى كۇنى 12:20 مينۋت شاماسىندا قورعالجىن ەلدى مەكەنىندەگى №5 اگروتەحنيكالىق كوللەدجدىڭ 1 -كۋرس ستۋدەنتتەرى (1999 -جىلعى ا. امانگەلدى، 1997 -جىلعى ي. جۇمامۇرات، 1998 -جىلعى ۆ. نوۆيسكي جانە 1999 -جىلعى ا. قۇنداقبايەۆ) توققا ءتۇسىپ، مەرت بولدى.
كەيىن قازا تاپقان ستۋدەنتتەردىڭ اتالعان ءبىلىم ورداسى ديرەكتورىنىڭ وقۋ-وندىرىستىك جۇمىستار جونىندەگى ورىنباسارىنىڭ تاپسىرماسىمەن دوڭگەلەكتى تەمىر باسپالداقتى جىلجىتپاق بولىپ، ابايسىزدا 380 ۆولتتى ەلەكتر سىمىن ءىلىپ كەتكەنى انىقتالدى.
وسىعان وراي، كوللەدج ديرەكتورىنىڭ وقۋ-وندىرىستىك جۇمىستار جونىندەگى ورىنباسارى قاماۋعا الىنىپ، ۇستىنەن ق ر ق ك 156-بابىنىڭ 4-ءبولىمى بويىنشا قىلمىستىق ءىس قوزعالعان ەدى.
وتكەن اپتانىڭ سوڭىندا قورعالجىن اۋداندىق ءى ءى ب تەرگەۋشىسى ۋاقىتشا تەرگەۋ وقشاۋلاعىشىندا ۇستاۋ مەرزىمىن ەكى ايعا ۇزارتۋ جونىندە ۇسىنىس بىلدىرگەن. الايدا، پروكۋرور كۇدىكتىنىڭ وتباسى بارىن، بۇرىن سوتتالماعانىن ەسكەرىپ ءۇيقاماققا قالدىرۋ جونىندە اۋداندىق سوتقا ءوتىنىش ءبىلدىردى. سوڭعىسى پروكۋروردىڭ ءوتىنىشىن دۇرىس دەپ ءۇيقاماققا قالدىرۋدى شەشتى.
اۆتور: اسلان وسپانوۆ