قازاقستان مەن قىتاي كەدەن قىزمەتىنىڭ دەرەكتەرى سايكەس كەلمەيدى - دەپۋتات
«كولەڭكەلى تىزبەدە كونتراباندالىق يمپورت ماسەلەسى دە بار. مىسالى، كوپتەگەن جىلدار بويى قىتاي مەن قازاقستان يمورتى باعىتى بويىنشا قازاقستان كەدەنىنىڭ دەرەكتەرى قىتاي كەدەن قىزمەتىنىڭ دەرەكتەرىمەن سايكەس كەلمەيدى. مىسالى، 2013-جىلى ايىرماشىلىق 5 ميلليارد تەڭگە بولاتىن بولسا، 2014-جىلدىڭ جارتى جىلدىعىندا بۇل ايىرماشىلىق 2 ميلليارد تەڭگەنى قۇرادى»، - دەدى سەناتور باقتيار ۇلى.
ءوز كەزەگىندە قارجى ءمينيسترى باقىت سۇلتانوۆ اقپاراتتىق جۇمىستىڭ ولقىلىعىنان ەكى ەلدىڭ كەدەن قىزمەتتەرىنىڭ دەرەكتەرىندە وسىنداي ايىرماشىلىق ورىن الىپ وتىرعانىن جەتكىزدى.
«نەگىزگى پروبلەما اقپاراتتىق جۇمىس بولىپ وتىر. پرەمەر-ءمينيستردىڭ ناۋرىز ايىندا قىتايعا ءىس-ساپارى كەزىندە ءتيىستى حاتتاماعا قول قويىلدى. وسىدان كەيىن ءبىز قىتايمەن كەلىسىم جۇمىستارىن جۇرگىزىپ جاتىرمىز. دەكلاراتسيالارىمىزدى ءبىر-بىرىمىزگە سايكەس كەلتىرۋ، سالىستىرمالى تۇردە جاساۋ بويىنشا جۇمىس جۇرگىزەمىز»، - دەپ سەندىردى مينيستر.
ايىمگۇل ابىلەۆا