ش. كاتسۋ نازاربايەۆ ۋنيۆەرسيتەتى تۇلەكتەرىن ەلىمىزدەگى جوعارى ءبىلىم سالاسى جاڭا ءداۋىرىنىڭ وكىلدەرى دەپ باعالادى
ول بۇل پىكىرىن بۇگىن نازاربايەۆ ۋنيۆەرسيتەتىنىڭ العاشقى تۇلەكتەرىنە ديپلوم تاپسىرۋ سالتاناتتى شاراسىندا ءبىلدىردى.
«بۇگىن ءبىز سىزدەردى ماقتان تۇتامىز. سىزدەر №1 تۇلەكسىزدەر، سىزدەر قازاقستانداعى جوعارى ءبىلىم سالاسى جاڭا ءداۋىرىنىڭ وكىلدەرىسىزدەر. سىزدەر تەك قانا اقىلدى ەمەسسىزدەر، ونى ءبىز باعالارىڭىزدان، مەكتەپتەرىڭىزدەن العان مەدالدارىڭىزدان بىلەمىز. سىزدەر وتە باتىلسىزدار، ويتكەنى، ءبىلىم الۋ مەن زەرتتەۋ ءىسىنىڭ مۇلدەم جاڭا احۋالىندا ءبىلىم الۋعا باتىل كىرىستىڭىزدەر»، - دەدى ول.
سونىمەن قاتار ول ن. نازاربايەۆ ۋنيۆەرسيتەتى تۇلەكتەرىمەن زەينەتاقىعا شىققانعا دەيىن بىرگە بولاتىندىعىن اتاپ ءوتتى.
«مەن سىزدەردىڭ جوعارى سەنىم ۇدەسىنەن شىعاتىندىقتارىڭىزعا سەنىمدىمىن. سىزدەر نازاربايەۆ ۋنيۆەرسيتەتى اياسىنداعى اكادەميالىق قوعامداستىق، وقىتۋشىلار، اكىمشىلىك ءار ۋاقىتتا دا سىزدەرگە كومەك بەرەتىندىگىن، قولدايتىندىعىن بىلۋلەرىڭىز قاجەت. ءبىز سىزدەردىڭ قول جەتكىزگەن بيىكتەرىڭىزدە قالماي، العا قاراي قادام باساتىندىقتارىڭىزعا ءۇمىت ارتامىز. نازاربايەۆ ۋنيۆەرسيەتىنىڭ اتى مەن مارتەبەسى سىزدەردىڭ تۇلەكتەرىڭىزبەن تىكەلەي بايلانىستى بولادى»، - دەدى ش. كاتسۋ.
اۆتور: مارلان جيەمباي