يوزەف بلاتتەر حالىقارالىق فۋتبول فەدەراتسياسىنىڭ پرەزيدەنتى بولىپ قالا بەرۋى مۇمكىن
ءوز دەرەككوزدەرىنە سىلتەمە جاساپ، Shvajts am Zontag گازەتى اتاپ وتكەندەي، ۇيىمداعى جانجالعا قاراماستان، 79 جاستاعى شۆەيساريالىقتىڭ ورنىنان كەتپەۋىن افريكالىق، ازيالىق فۋتبول قاۋىمداستىقتارىنىڭ باسشىلارى قالاپ وتىر.
ەسكە سالساق، فيفا تاريحىندا سيۋريحتە 27 - مامىردا ءىرى جانجال ورىن الدى. ۇيىمنىڭ جوعارىدا تۇرعان 7 شەنەۋنىگى سىبايلاس جەمقورلىققا قارسى كۇدىكتى رەتىندە ۇستالدى. ولار ا ق ش- قا ەكستراداتسيالانۋى مۇمكىن. وسىمەن ءبىر ۋاقىتتا شۆەيساريالىق تاراپ ءاچ-2010، ءاچ-2018 جانە ءاچ-2020 ۇيىمداستىرۋشى ەلدەردى تاڭداۋ كەزىندە اقشا قىمقىرۋمەن بايلانىستى بەلگىسىز تۇلعالارعا قاتىستى قىلمىستىق ءىس قوزعاعانى بەلگىلى بولدى.
سۋديانىڭ شەشىمى بويىنشا وڭتۇستىك امەريكالىق كونفەدەراتسيانىڭ بۇرىنعى پرەزيدەنتى 86 جاستاعى نيكولاس لەوس (1986-2013 -جىلدارى باسقارعان) تا ءۇي قاماققا الىنعان، ونىڭ دا سىبايلاس جەمقورلىق جانجالىنا قاتىسى بولىپ شىقتى. وعان ينتەرپولدا ىزدەستىرۋ جاريالاندى، ەكستراداتسيالاۋ تۋرالى ساۋال بويىنشا ا ق ش- قا بەرىلۋى مۇمكىن.
جانجال اياسىندا 29 - مامىردا كەزەكتى مەرزىمگە سايلانعان ف ي ف ا باسشىسى يوسيف بلاتتەر وتستاۆكاعا كەتەتىنىن مالىمدەگەن. ۇيىمنىڭ اتقارۋشى كوميتەتىنىڭ كەزەكتى وتىرىسى 20 - شىلدەدە سيۋريحتە وتەدى. سول كەزدە ف ي ف ا پرەزيدەنتتىگىنە قايتادان سايلاۋ وتكىزۋ كۇنى ايقىندالادى.