جاس ونەرتاپقىش كۇن كوزىنەن قۋات الاتىن ەلەكتروموبيل جاساپ شىعاردى
ەسكى كولىككە جان بىتىرگەن سەرگەي وفيتسەروۆ ونى جەرگىلىكتى جوعارعى وقۋ ورنىنىڭ بازاسىندا قۇراستىرعان.
ەكولوگيالىق جاعىنان تازا ءارى جانارماي شىعىندامايتىن كولىكتىڭ مۇمكىندىگىن رەسەيلىك عالىمدار دا جوعارى باعالاپ وتىر.
ەلەكتروموبيلدىڭ وزگە كولىكتەردەن باستى ەرەكشەلىگى كۇننىڭ كوزىنەن قۋات الاتىندىعى. ياعني ادەتتەگى قوزعالتقىشتىڭ ورنىندا مۇندا ەلەكترلى موتور ورناتىلعان. ول كولىكتىڭ توبەسىندەگى تاقتالار ارقىلى كۇن ساۋلەسىنەن تارايتىن ەنەرگيانى اككۋمۋلياتورعا جينايدى.
سونىڭ كومەگىمەن كولىك بۇلتتى كۇننىڭ وزىندە 8 ساعاتقا دەيىن جۇرە الادى.
ءالىبي باياحوۆ، جوعارعى وقۋ ورنىنان كەيىنگى ءبىلىم بەرۋ باسقارماسىنىڭ باسشىسى:
- بۇل ەلەكتروموبيلدىڭ ەرەكشەلەگى كۇن ساۋلەسى باتارەيكالارى ارقىلى قۋات الىپ، 60-70 كيولومەترگە دەيىنگى شاپشاڭدىقپەن جۇرە الادى. بۇل ەكولوگيالىق تۇرعىندان وتە تازا ترانسپورت بولىپ سانالادى. قۋاتى 10 كيلوۆاتت بولاتىن موتوردىڭ سيپاتتاماسى بەنزينمەن جۇمىس ىستەيتىن قوزعالتقىشتان كەم ەمەس. مۇنى ءىس جۇزىندە دالەلدەۋگە تىرىسقان جاڭاشىل جاستار شاعىن عانا كولىكپەن سالماعى 4 توننا بولاتىن الىپ دجيپتى دە سۇيرەپ كورسەتتى.
ۆەلوسيپەدپەن تىرەك-قيمىل جۇيەسىندە اقاۋى بار ادامدار دا ەمىن-ەركىن قوزعالا الادى. سەبەبى ونىڭ ارتقى دوڭگەلەگىندە كۇن ەنەرگياسىن جيناقتايتىن شاعىن عانا قوندىرعى ورناتىلعان. سەرگەي وفيسەروۆ، ستۋدەنت:
- باسقىشتى اياقپەن باسقاندا دوڭگەلەك اينالادى. سونىڭ كومەگىمەن موتور ىسكە قوسىلادى. ۆەلوسيپەدتى قوزعالىسقا كەلتىرۋگە ادامنىڭ دەنە كۇشىنىڭ قاجەتى بولمايدى. بۇل دەنساۋلىعىندا اقاۋى بار ادامدارعا وتە ءتيىمدى. ونەرتاپقىش ءوز جۇمىستارىن ماسكەۋدىڭ دۋبنا قالاسىندا وتكەن عىلىمي- تاجىريبەلىك كونفەرەتسياسىندا كوپشىلىككە تانىستىرىپتى. رەسەيلىك عالىمدار ورالدىق ستۋدەنتتىڭ يدەيالارىن ۇشتاي تۇسۋگە كەڭەس بەرگەن. ناتيجەسىندە كەيىپكەرىمىز دۋبناداعى تەحنيكالىق ۋنيۆەرسيتەتتىڭ ماگيستراتۋراسىندا تەگىن وقۋعا مۇمكىندىك الدى.
www.24.kz