تانىمال پاروديست ولجاس سىدىقبەك وتباسىن قۇردى - فوتو

استانا. قازاقپارات - تانىمال پاروديست ولجاس سىدىقبەك وتباسىن قۇردى، - دەپ حابارلايدى Tengrinews.kz ءتىلشىسى.

بۇل تۋرالى ولجاس سىدىقبەك Instagram جەلىسىندەگى پاراقشاسىندا جاريا ەتتى.

«ال، ءسۇيىنشى!!! كەلىندەرىڭىز بوساعا اتتادى»، - دەپ ءسۇيىنشى سۇرادى ءارتىس. ونەرپازدىڭ تاڭداعان جارىنىڭ ەسىمى ارايلىم. ول كوكشەتاۋ جەرىنەن كورىنەدى.

ارايلىم ەسىمدى قالىڭدىقتىڭ ۇزاتۋ كەشى وسىدان ءبىر اپتا بۇرىن ءوتتى. سول ۋاقىتتا پاروديست «ارقادان اسىل جارىمدى تاۋىپ، الاتاۋىما اتتانعالى وتىرمىن...»، - دەپ سۇيىنشىلەگەن بولاتىن.

ەسكە سالايىق، ولجاس سىدىقبەك اتاقتى شوۋمەن تۇرسىنبەك قاباتوۆتىڭ «بازار جوق» تەاترىنداعى ونەر كورسەتۋىنەن كەيىن تانىمال بولا تۇسكەن ەدى. ونەرپازدىڭ اكتيۆىندە اقىن، ايتىس جۇرگىزۋشىسى ءجۇرسىن ەرمان، ق ر قورعانىس ءمينيسترى يمانعالي تاسماعامبەتوۆ، مۋزارت توبىنىڭ ءانشىسى مەيرامبەك بەسبايەۆ سياقتى تانىمال ادامدارعا جاساعان پارودياسى بار.