جەڭگەتايلىق جاسادى دەپ ايىپتالعان حالىقارالىق ۆاليۋتا قورىنىڭ بۇرىنعى باسشىسى اقتالدى

استانا. قازاقپارات - حالىقارالىق ۆاليۋتا قورىنىڭ بۇرىنعى باسشىسى دومينيك ستروسس-كان فرانسيانىڭ ليلل قالاسىندا جەڭگەتايلىق جاسادى دەگەن ايىپتان اقتالىپ شىقتى.

ليللدىڭ تۇزەتۋ سوتى وسىنداي شەشىم قابىلداپ وتىر.

ەستەرىڭىزگە سالا كەتەيىك، 2011 -جىلى نيۋ-يوركتە دومينيك ستروسس-كاننىڭ باسى داۋعا قالىپ، ناتيجەسىندە ح ۆ ق باسشىلىعىنان باس تارتۋعا ءماجبۇر بولعان ەدى.

وعان قوناقۇيلەردىڭ بىرىندە قىزمەتشى ايەلدى زورلادى دەگەن ايىپ تاعىلىپ، الايدا قىلمىستىق ءىس ناقتى دالەلدەردىڭ جوقتىعىنان قوزعالماي، سول كۇيى جابىلعان ەدى. ۋاقىت وتە ا ق ش- تا 63 جاستاعى ستروسس-كانعا قاتىستى تاعى ءبىر ءىس قوزعالدى.

2012 -جىلدىڭ ناۋرىز ايىندا وعان جەڭگەتايلىق جاسادى دەگەن ايىپ تاعىلدى. تەرگەۋشىلەر ح ۆ ق بۇرىنعى باسشىسىن ليلل، پاريج جانە ۆاشينگتون قوناقۇيلەرىندە جەزوكشەلەردىڭ قاتىسۋمەن ساۋىق كەشىن جاسادى دەپ ايىپتاعان بولاتىن. بۇل تۋرالى ت ا س س اگەنتتىگى مالىمدەدى.

www.24.kz