استانادا «الما- ت ۆ» كابەلدى وپەراتورىنىڭ جاڭا كەڭسەسى اشىلدى
عيمارات جاڭا ۇلگىدە بەزەندىرىلىپ، زاماناۋي تەحنيكامەن جابدىقتالعان.
تەلەكوممۋنيكاتسيا سالاسىندا حالىققا ساپالى قىزمەت كورسەتۋ باستى مىندەتىمىز دەپ وتىر كومپانيا وكىلدەرى. «الما- ت ۆ»-نىڭ جاڭا بولىمشەسى ەڭسەلى ەلوردانىڭ سول جاعالاۋىندا ورنالاسقان. كەڭسە ءىشى كەڭ ءارى وسى زامانعى وزىق تەحنيكامەن جابدىقتالعان.
بۇگىندە كومپانيا باسشىلارى حالىققا ساپالى قىزمەت كورسەتۋمەن قاتار ابونەنتتىك بازانى كەڭەيتۋگە بارىن سالىپ جاتىر. دەمەك، بۇل - «الما- ت ۆ»-نىڭ استانادا اشىلعان سوڭعى عيماراتى ەمەس. كەلەشەكتە كومپانيا كەڭسە سانىن كوبەيتۋدى كوزدەپ وتىر.
داۋلەت قابىلبايەۆ، «الما- ت ۆ» كومپانياسىنىڭ استانا قالالىق فيليالىنىڭ ديرەكتورى:
- بۇل - «الما ت ۆ»-نىڭ ەلوردادا اشقان ءۇشىنشى بولىمشەسى. مۇنداي كەڭسەلەردى ءالى دە كوبەيتە تۇسپەكپىز. ەندى كۇننەن- كۇنگە اۋقىمى كەڭەيىپ كەلە جاتقان سول جاعالاۋداعى جاڭا اۋدانداردا، ساۋدا ورتالىقتارىندا، سونداي-اق EXPO اياسىندا دا ءوز بولىمشەسى بولادى. جاڭا كەڭسەدە كەمى 4-5 مامان حالىققا قىزمەت كورسەتەدى.
جۋىردا كومپانيا باسشىلارى قىزمەت كورسەتۋ كوكجيەگىن كەڭەيتتى. بۇگىندە «الما-ت ۆ» جۇيەسى ارقىلى ساندىق ساپادا 120 دان اسا وتاندىق جانە شەتەلدىك تەلەارنالار كورسەتىلەدى. سونىمەن قاتار عالامتور جۇيەسىنە قوسۋدى دا قامتاماسىز ەتەدى. تۇساۋكەسەرگە كومپانيانىڭ سەنىمدى سەرىكتەستەرى مەن تالعامپاز تۇتىنۋشىلار جينالدى. ولار اتالعان وپەراتوردىڭ جۇمىسىن جوعارى باعالادى.
يگور كۋدرياۆتسيەۆ، «الما-ت ۆ» كومپانياسىنىڭ تۇتىنۋشىسى ءارى سەرىكتەسى:
- قازىر حالىقتىڭ تالعامى زور، تالابى دا جوعارى. سوندىقتان قىزمەت كورسەتۋ ساپاسى دا سۇرانىسقا ساي بولۋ كەرەك. ال كەڭسە جانعا جايلى، قاجەتتىنىڭ ءبارى بار. دەمەك «الما- ت ۆ» باسشىلارى ءوز تۇتىنۋشىلارىنا قۇرمەتپەن قارايدى دەگەن ءسوز. مۇنداعى مامانداردىڭ قىزمەتىنە دە كوڭىلىم تولادى. ەلىمىزدەگى وزىق وپەراتور دەۋگە ابدەن لايىق. ءدال وسىنداي سوڭعى ۇلگىدە جابدىقتالعان زاماناۋي بولىمشەلەر الماتى مەن شىمكەنت قالالارىندا دا اشىلعان بولاتىن. تەلەكوممۋنيكاتسيا سالاسىندا سەرپىندى دامىپ كەلە جاتقان «الما- ت ۆ» - ەلىمىزدەگى جەتەكشى وپەراتوردىڭ ءبىرى. ونىڭ ەل اۋماعىندا جۇمىس ىستەگەنىنە 20 جىلدان استى. قازىر كومپانيا قازاقستاننىڭ بارلىق قالالارىندا حالىققا قالتقىسىز قىزمەت كورسەتەدى.
www.24.kz