اڭشىلىق ەل بيۋدجەتىنە قىرۋار قارجى قۇيۋدا

استانا. قازاقپارات - وڭتۇستىك افريكا رەسپۋبليكاسىندا اڭشىلىق - ۇلكەن تابىس كوزى.

دالا تاعىلارىن اۋلاۋ ەل بيۋجدەتىنە ميلليونداعان دوللار قارجى قۇيۋدا.

اڭشىلىقتى جاقسى تابىس كوزى دەپ قارايتىنداردان بولەك، ونى سىن كوزبەن قابىلدايتىندار دا بارشىلىق. اڭشىلىقتى بۇل ەلدە «ۇلكەن ويىن» دەپ اتايدى. ونداعان جىلدان بەرى بۇل جەرگە قىزىعۋشىلىق تانىتقان شەتەلدىكتەر لەگى ۇزىلگەن ەمەس.

جەرگىلىكتى فەرمەرلەر اڭشىلىقتى تابىستى بيزنەس كوزىنە اينالدىرعان. ال شەتەلدىك اڭشىلار كوپ جاعدايدا افريكالىق يمپالا بوكەندەرىن اۋلاۋعا قۇمار.

ستان بۋرگەر، فەرمەر:

- ءبىز يمپالا بوكەندەرىنىڭ ۇيىرىنە كەزىكتىك. جەل دە ءبىزدىڭ باعىمىزعا وراي قولايلى جاقتان سوعىپ تۇردى. ادەمى اتىپ الدىق. اڭشىلىق - ءبىزدىڭ باستى بيزنەسىمىز. بىزگە كليەنتتەر كوبىنەسە امەريكادان كەلەدى. ولاردى وسىندا الىپ كەلەمىز.

بۇل ەلدەگى اڭشىلىق بيزنەسى ءجۇز مىڭ ادامدى جۇمىسپەن قامتىپ وتىر. 2013 -جىلى شەتەلدىك اڭشىلار وڭتۇستىك افريكا رەسپۋبليكاسىنىڭ بيۋدجەتىنە 91 ميلليون دوللاردان استام قارجى قۇيعان. 2 اپتالىق سافاريدىڭ قۇنى 10 مىڭ دوللارعا باعالانادى.

ادري كيتشوفف، و ا ر- دىڭ كاسىبي اڭشىلار قاۋىمداستىعىنىڭ اتقارۋشى ديرەكتورى:

- اڭشىلىق ەكونوميكاعا 10 ميلليارد راند كولەمىندە كىرىس كىرگىزەدى. قازىر مۇندا 10 مىڭنان استام اڭشى شارۋاشىلىعى بار. بۇل جالپى ىشكى ءونىمىمىزدىڭ ارتۋىنا ۇلكەن ۇلەس قوسادى. اڭشىلىقتى ءبىرى ءناپاقا تابۋدىڭ جولى رەتىندە قاراستىرسا، تابيعات جاناشىرلارى بۇل قۇمارلىقتى دالا تاعىلارىن جويىپ جىبەرەتىن قاۋىپ رەتىندە قاراستىرادى.

بۇعان نەگىز دە جوق ەمەس. مىسالى، افريكاعا بارىپ اڭ اۋلاۋشىلاردىڭ باستى ەرمەگى ارىستانداردى، جۋىردا ا ق ش تۇقىمى قۇرىپ بارا جاتقان جانۋارلار تىزىمىنە قوسۋدى جوسپارلاپ وتىر.

www.24.kz