قازاقستاندا جەتىمدەردىڭ ءومىرى جايلى تەلەحيكايا تۇسىرىلەدى
باسپا ءسوز قىزمەتىنىڭ مالىمەتىنشە، 64 سەريالى حيكايانىڭ ءتۇسىرىلىمى 1 - شىلدە كۇنى باستالادى. تەلەنوۆەللانى ءتۇسىرۋشى - قازاقستاندىق رەجيسسەر ءارى سەناريشى راشيد سۇلەيمەنوۆ.
«كوركەم فيلم» كينوكومپانياسى تەلەحيكايانىڭ باستى جانە قوسىمشا رولدەرىن سومداۋعا كاستينگ جاريالادى. ونىڭ ءبىر ەرەكشەلىگى، كاستينگكە بالالار ءۇيىنىڭ تاربيەلەنۋشىلەرى قاتىسىپ، تەلەحيكاياداعى باستى جانە ەپيزودتاعى رولدەردىڭ ءبىرىن سومداۋعا مۇمكىندىك الادى. حيكايادا «جاسوسپىرىمدەر ۇيىندە» تاربيەلەنىپ جاتقانداردىڭ تاعدىرى مەن ۇلكەن ومىرگە جاساعان العاش قادامدارى تۋرالى باياندالادى»، - دەلىنگەن حابارلامادا.
باسپا ءسوز قىزمەتىندەگىلەردىڭ ايتۋىنشا، تەلەحيكايا كەيىپكەرلەرى قۋانىش پەن قايعىنى، العاشقى ماحاببات، دوستىق پەن ساتقىندىقتى باستارىنان كەشىرەدى. ءبىراق ولار جالعىز ەمەس، بوزبالالار مەن بويجەتكەندەردى اتا-اناسى مەن تۋىستارىنىڭ ورنىن باسقان جولداستارى، ۇستازدارى جانە تاربيەشىلەرى قولداپ وتىرادى.
ايتا كەتەيىك، كاستينگكە قاتىسۋعا وتىنىشتەردى قابىلداۋ 14- ماۋسىم، ياعني جەكسەنبى كۇنى اياقتالادى. كانديداتتاردى ىرىكتەۋ 15 جانە 16- ماۋسىم كۇندەرى «كوركەم فيلم» كينوكومپانياسىنىڭ كەڭسەسىندە وتەدى. تولىق اقپاراتتى مىنا تەلەفون ارقىلى الۋعا بولادى: 77715819393+.
مىندەتتى شارتتار: قازاق ءتىلىن ءبىلۋ، اكتەرلىك شەبەرلىكتى مەڭگەرۋ. سۋرەتى بار تۇيىندەمەنى مىنا ەلەكتروندى پوشتاعا جولداۋ قاجەت: korkemfilm@list.ru.