پان گي مۋن ءال- فارابي اتىنداعى قازۇۋ- نىڭ قۇرمەتتى دوكتورى اتاندى - فوتو
بىرىككەن ۇلتتار ۇيىمىنىڭ جاڭا عيماراتىنىڭ اشىلۋ راسىمىندە اتالمىش اتاقتى جانە ارنايى قازاقي ستيلدەگى مانتيانى ۋنيۆەرسيتەت رەكتورى عالىم مۇتانوۆ تاپسىردى.
«اسا مارتەبەلى بىرىككەن ۇلتتار ۇيىمىنىڭ باس حاتشىسى پان گي مۋن مىرزا! سىزگە ءال- فارابي اتىنداعى قازاق ۇلتتىق ۋنيۆەرسيتەتىنىڭ قۇرمەتتى دوكتورى اتاعىن تابىستاۋ ءبىزدىڭ ۇجىم ءۇشىن عانا ەمەس، بارلىق قازاقستاننىڭ ءبىلىم سالاسى ءۇشىن ۇلكەن مارتەبە! - دەدى ع. مۇتانوۆ.
- ءوزىڭىز ۇسىنعان اكادەميالىق ىقپال باعدارلاماسى الەمنىڭ بارلىق ۋنيۆەرسيتەتتەرىنەن قولداۋ تاۋىپ، ب ۇ ۇ- نىڭ ون باعىتى، ون پرينتسيپى بويىنشا، ولار ءوز ۇلەستەرىن قوسۋدا. ءبىزدىڭ ۋنيۆەرسيتەت ءۇشىن وسى باعدارلاماداعى تۇراقتى دامۋ باعىتى بويىنشا، ب ۇ ۇ- نىڭ الەمدىك حابى بولۋ - ۇلكەن مارتەبە جانە زور جاۋاپكەرشىلىك. وسى مىندەتتى اقتايتىندىعىمىزعا سەندىرگىم كەلەدى. ءسىزدىڭ مامىر ايىندا سەۋل قالاسىندا ءبىزدىڭ جۇمىسىمىزعا بەرگەن وڭ باعاڭىز جاڭا تابىستارعا جىگەرلەندىرەدى. قۇرمەتتى پان گي مۋن مىرزا! ءبىزدىڭ ۋنيۆەرسيتەتتىڭ عىلىمي كەڭەسىنىڭ شەشىمى بويىنشا، سىزگە ءال- فارابي اتىنداعى قازاق ۇلتتىق ۋنيۆەرسيتەتىنىڭ قۇرمەتتى دوكتورى اتاعىن جانە ءال- فارابي اتىنداعى التىن مەدالدى تابىستاۋعا رۇقسات ەتۋىڭىزدى سۇرايمىن».
پان گي مۋن بۇل سىيلى قۇرمەتتى قابىل الىپ، عالىم مۇتانوۆقا جانە ءال- فارابي اتىنداعى قازاق ۇلتتىق ۋنيۆەرسيتەتىنىڭ ۇجىمىنا العىسىن ايتتى.