قازاقستاندا جاسالعان جەڭىل كولىكتەردىڭ ساتىلىمى رەكوردتىق كورسەتكىشكە جەتتى
«KIA Motors Kazakhstan» كومپانياسىنىڭ اتقارۋشى ديرەكتورى اندرەي تولستيكوۆتىڭ ايتۋىنشا، قولايلى باعا سۇرانىس پەن جەڭىلدىك نەسيەمەن مەملەكەتتىك باعدارلامانىڭ قولعا الىنۋى ارقاسىندا ساتىلىم وسى ايدا جوعارى كورسەتكىشكە جەتتى.
«ەلىمىزدە اتالعان ماركانى ساتىپ الۋشىلار سانى 51 پايىزعا ۇلعايدى. وتكەن جىلمەن سالىستىرعاندا، ءتىپتى نارىقتا قيىن كەز قالىپتاسقاننىڭ وزىندە دە ساتىلىم ارتتى. بۇل قازاقستاندىقتاردىڭ KIA برەندىنە ەرەكشە قىزىعۋشىلىعىن كورسەتەدى، كليەنتتەرىمىزگە وتاندىق ءونىمدى قولداعانى ءۇشىن العىس بىلدىرەمىز».
2015 - جىلدىڭ 5 ايىندا كولىكتى ەلدىڭ 4740 تۇرعىنى ساتىپ الدى.
ەڭ سۇرانىسقا يە سەدان مەن حەتچبەك«Rio» ماركاسى بولسا، مامىردا «Sportage» ، «Sorento» جانە «Optima» ۇلگىلەرىنىڭ ساتىلىمى رەكوردتىق دەڭگەيگە جەتتى.
ايتقانداي، 2015 - جىلعى 4 ايدىڭ ناتيجەسى بويىنشا «KIA» قازاقستان نارىعىندا ەڭ كوپ ساتىلاتىن كولىكتەردىڭ «توپ» ۇشتىگىنە كىردى.
ول سونداي- اق، 2015 - جىلعى 4 - مامىردان باستاپ، KIA كولىگىن 4 پايىزدىق نومينالدىق ستاۆكامەن ساتىپ الۋعا بولاتىنىن حابارلادى. بارلىق ماركا ۇلگىلەرى مەملەكەتتىك باعدارلاما جاعدايىندا قولجەتىمدى بولىپ وتىر.