اقپارات قۇرالدارى قىتايدا اپاتقا ۇشىراعان كەمەنىڭ العاشقى سۋرەتتەرىن جاريالادى - فوتو
فوتولاردى Reuters, AFP، Splash News جانە باسقا دا اگەنتتىكتەر تۇسىرگەن.
يانتسزى وزەنىندە اپاتقا ۇشىراعان كەمەدەگى قۇتقارۋ جۇمىستارى 9 -ماۋسىمدا اياقتالدى. كولەمى 150 دە 150 مەتر ايماق قارالدى، دەگەنمەن قازا بولعانداردىڭ قالعاندارىنىڭ دەنەسى تابىلمادى.
ەسكە سالا كەتەيىك، 1 -ماۋسىمدا قىتايداعى يانتسزى وزەنىندە كەمە اپاتقا ۇشىراعان بولاتىن. كەمە نانجيڭنەن قىتايدىڭ وڭتۇستىك باتىسىنداعى چۋنتسينگە قاراي باعىت العان.
سوڭعى دەرەكتەر بويىنشا، كەمەدە 465 ادام بولعان. ولاردىڭ ىشىندە 405 جولاۋشى (قىتاي ازاماتتارى) جانە ەكيپاجدىڭ 47 مۇشەسى، تۋراگەنتتىكتەردىڭ بەس جۇمىسشىسى بولدى. 14 ادام قۇتقارىلىپ، 405 ادام قازا تاپتى. تاعى سەگىز ادام جوعالعانداردىڭ قاتارىنا كىردى.
ءتىرى قالعان ادامدار كەمەنىڭ 30-60 سەكۋند ارالىعىندا سۋعا باتىپ كەتكەنىن ايتتى. كوپ ادامدار قۇتقارۋشى قۇرالداردى پايدالانىپ ۇلگەرمەگەن. دۇيسەنبىدە باستالعان قۇتقارۋ جۇمىستارىنا 3,4 مىڭ سارباز بەن 1,7 مىڭ پوليتسەي قاتىستى.
كەمە ىشىندەگى ساۋساق ىزدەرى