سيريالىق حاكەرلەر ا ق ش قۇرلىق اسكەرىنىڭ رەسمي سايتىن بۇزىپ كىردى
قۇرلىق اسكەرىنىڭ رەسمي وكىلى گەنەرال مالكولم فروست: « www.army.milسايتىن حاكەرلەر بۇزدى. ءبىز جەلىدەگى دەرەكتەرىمىزگە ەشكىمنىڭ قول سۇقپاعانىن انىقتاۋ ءۇشىن دەرەۋ ءتيىستى شارالاردى قولعا الىپ، سايتتىڭ جۇمىسىن ۋاقىتشا توقتاتتىق» - دەيدى.
ا ق ش اقپارات قۇرالدارىنىڭ حابارلاۋىنشا، حاكەرلەر بۇزعان جەلىگە قۇپيا اقپاراتتار سالۋ توقتاتىلعان، وندا تەك ا ق ش اسكەرىنىڭ كۇندەلىكتى ءومىرى مەن ا ق ش قۇرلىق اسكەرىندە بولىپ جاتقان جاڭالىقتار عانا جاريالانىپ وتىر.
«سيريانىڭ ەلەكتروندى اسكەرى» سايتتى بۇزعانىن مالىمدەپ، وقيعانى ءوز موينىنا الىپ وتىر. بۇل جونىندە ەلەكتروندى اسكەردىڭ Twitter- دەگى جەكە پاراقشاسىندا حابارلاندى. بۇرىن بۇل توپ اعىلشىن ءتىلدى New York Times, Guardian, Washington Post, CBS جانە BBC تەلەارنالارىنىڭ ۆ ە ب- سايتتارىن، سونداي-اق Associated Press- ءتىڭ Twitter- دەگى پاراقشاسىن بۇزعان.