قازاقستان الەمدىك بىرلىك پەن بەيبىتشىلىككە، ءدىنارالىق تاتۋلىققا ءوز ۇلەسىن قوسۋدا - ن. نازاربايەۆ
بۇل تۋرالى بۇگىن الەمدىك جانە ءداستۇرلى دىندەر كوشباسشىلارىنىڭ 5- سەزىنىڭ جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى.
الەمدىك جانە ءداستۇرلى دىندەر كوشباسشىلارىنىڭ 5- سەزىنە قاتىسۋشىلارعا قازاقستاننىڭ شاقىرۋىن قابىل الىپ كەلگەندەرى ءۇشىن رزاشىلىعىن بىلدىرگەن ەلباسى: «وسى كۇندەردىڭ ىشىندە سىزدەردىڭ تىلەكتەرىڭىز، ءار دىندەردىڭ قازاقستانعا ايتىپ جاتقان تىلەكتەرى اللانىڭ الدىندا قابىل بولسىن دەيمىز، كوڭىلدەرىڭىز ءۇشىن دە راحمەت ايتامىز. ءبىز جاڭا مەملەكەت رەتىندە كوپ شارۋانى ءبىتىرىپ، يادرولىق قارۋدان ازات مەملەكەت قۇرىپ، كوپۇلتتى، كوپدىندى مەملەكەتتىڭ باسىن قۇراپ، جاڭا قوعام قۇرىپ جاتقان ەلمىز»، - دەدى.
سوندىقتان مەملەكەت باسشىسى قازاقستانعا دەگەن سەنىم دىندەردىڭ اراسىنان، حالىقتاردىڭ اراسىنان وتە كوپ ەكەندىگىنە ريزاشىلىق تانىتتى.
«وسى ميسسيانى كوتەرىپ جۇرگەنىمىز وزىمىزگە قۋانىش دەپ سانايمىز. دۇنيەجۇزىندەگى بىرلىككە، بەيبىتشلىككە، ءدىنارالىق تاتۋلىققا قازاقستان ءوز ۇلەسىن قوسىپ كەلەدى. قوسا بەرەدى دە. سىزدەردىڭ بىزگە كورسەتكەن سەنىمدەرىڭىزگە مەن ريزامىن. سەزد جۇمىسىنا تابىس تىلەيمىن»، - دەدى ق ر پرەزيدەنتى.
اۆتور: مارلان جيەمباي